CHAPITRE XIV

DE LA LEPRE DES GRECS, DICTE DV VVLGAIRE MAL SAINCT MAIN, OVI EST VNE RONGNE,.

Rongne est vne asperité du cuir, ou vhe viceration legere coniointe auec vn prurit, causée d’vne pituite nitreuse et sallée, et de melancholie qui se pourrit sous le cuir : et est tresdifficile à guarir.

Pour la curation, il faut estre purgé et saigné, euiter toutes viandes de haut goust qui enflamment le sang.

On baignera le malade par diuerses fois, et l’on mettra dedans le bain choses remollientes : et au partir du bain tout le corps du malade sera frotté de beurre frais, à fin de faire tomber les croustes, et amollir l’asperité du cuir. En aprés on retournera au bain, et dans iceluy seront appliqués plusieurs cornels auec scarifications, pour euacuer le sang contenu entre cuir et chair. Et quelques iours aprés sera frotté le corps de l’onguent qui s’énsuit.