DES EPITHEMES OV FOMENTATIONS, POVR CORROBORER LES PARTIES NOBLES

Entre les alexiteres peuuent estre referés aucuns remedes locaux, c’est à dire qu’on applique par dehors, comme epithemes cordiaux et kepatiques, desquels faut vser dés le commencement ( toutesfois aprés auoir fait quelques euacuations vniuerselles) s’il est besoin, pour munir les parties nobles en roborant leurs vertus, à fin qu’ils repoussent les vapeurs malignes et veneneuses loing d’icelles.

Les epithemes doiuent auoir double faculté, à sçauoir d’eschauffer et refroidir. Leur froidure sert pour refrigerer la grande chaleur estrange, et leur chaleur est cordiale, parce que les medicamens cordiaux plus communément sont chauds : et partant lis seront changés et diuersifiés selon l’ardeur de la fiéure, et doiuent estre appliqués tiedes auec vne piece d’escarlate, ou vn drapeau en plusieurs

doubles, bien delié, ou yne esponge:

desquels seront faites fomentations, et laissés moüillés sur la region du cœur et du foye, pourueu que le charbon ve fust en ces lieux là pour-ce qu'il ne faut appliquer sur iceux aucuns medicamens repercussifs. Tu pourras faire lesdits epithemes selon les formulaires qui s’ensuiuent.