CHAPITRE XXXI
DES ERVPTIONS ET PVSTYLES APPELLÉES POVRPRE,
À aucuns aduiennent eruptions au cuir,semblables à morsures de puces ou de punaïses : aussi sont quelquesfois esleuées, comme petits grains de mil, ou de petite verolle qu’on voit
PESTE
aux enfans, Et lors qu'elles sont trouuées en grande quantité, c'est bon si+ gne : au contraire non. Aussi selon la vehemence du venin et la matiere dont elles sont procreées, sont veuës de diuerses couleurs, à sçauoir rouges, citrines, tannées, violettes, azurées, liuides ou noires. Les vulgaires les appellent le Tae, les autres le Pourpre, pour-ce qu’elles sont souuentesfois trouuées à la similitude de graine de pourpre : autres les appellent lenticules, parce qu’elles sont veuës quelquesfois comme petites lentilles : aussi aucuns les nomment papillots, à cause qu’elles se manifestent tantost au visage, tantost aux bras et iambes, voltigeans de place en place comme petits papillots volans. Et quelquesfois occupent tout le corps, non seulement la superficie du cuir, mais penetrent plus profondement dedans 1a chair, principalement lors qu’elles sont faites de grosse matiere aduste.
Aucunes sont trouuées grandes et larges, occupant presque tout vn bras,ou vne iambe, ou la face,;comme van erysipele, et partant diuersifient selon que l'humeur peche en quantité ou en qualité. Et si elles sont de couleur purpurée, noire, ou violette, auec defaillance de cœur, et s’en retournent sans cause manifeste, c’est yn signe infaillible de mort.
La cause desdites eruptions est la fureur de l’ebullition du sang, faile par l'humeur malin et veneneux.
Elles viennent communément auec la fiéure pestilentielle, et quelquesfois deuant que la bosse ou charbon soient apparus, quelquesfois aussi aprés : qui alors demonstrent vne grande corruption d’humeurs au corps : car outre l'expulsion de la matiere de la bosse ou du charbon,
l ladite corruption est si abondante,
qu’elle se demonstre aux autres lieux du corps, dont le plus souuent le pauure pestiferé meurt. Quelquesfois aussi sont trouuées seules, à sçauoir sans bosse ny charbons, et alors qu'elles sont rouges, sans estre accompagnées d'aufres mauuais accidens, ne sont mortelles. Elles apparoissent communément au troisiéme ou au quatriéme iour, et quelquesfois plus fard : aussi souuentesfois ne sont apperceuës qu’aprés la mort du malade, à cause que l’ebullition des humeurs faite par la pourriture n’est du tout esteinte : et partant la chaleur qui reste, excitée de pourriture, iette ‘les excremens au cuir, qui fait sortir les eruptions{ Ou plustost parce que Nature sur le dernier combat, ayant monstré quelque effort plus grand (comme est la coustume de toutes choses qui tirent à leur fin) que d’or dinaire , s’est despestrée sur l'instant de la mortde quelque portiondel’humeur pestilent vers le cuir : tellement toutesfois qu’affoiblie de tel effort, a succombé sous le faix et malignité du reste de la matiere.
