CHAPITRE XXXIV
DE LA CVRE DE L'APOSTEME PESTIFERÉE.,
On appliquera dessus promptement vne ventouse auec grande flamme , si elle n’estoit telle comme celle qu'auons dit cy dessus, à sçauoir, auec grande inflammation et douleur intolerable, et auec grande tumeur.
Aussi on doit premierement oindre le cuir d'huile de lis, à l’eudroit où on appliquera ladite ventouse , à fin de le rendre plus laxe, et que par ce moyen elle face plus grande atiraction : et sera reïterée de trois en trois heures, et y demeurera à chacune fois va quart d’heure, plus ou moins , selon la vertu du malade et la vehemence de la matiere, à fin d'attirer le venin des parties nobles au dehors, et aussi aider Nature à faire suppuration plus subite, ou resolution : qui se fera en appliquant dessus vn tel liniment.
2%. Vnguenti dialthèeæ 3.)j. 8.
Olei de scorpionibus 3. f$.
Mithridatij dissoluti cum aqua vitæ. 5, j.
Ce liniment a vertu de relaxer le cuir, et ouurir les pores, et faire exha-
lations de quelque portion de la matiere pestiferée, et qui à esté attirée par la ventouse.
On peut aussi en lieu d’iceluy faire des fomentations remollitiues, disculientes et resolutiues, et autres remedes attractifs et suppuratifs, que descrirons cy aprés.
D'auanutage,on doit faire vn vesicatoire au dessous de la bosse, et non au dessus: ce que ÿay fait plusieurs fois auec heureuse issue. Comme pour exemple, si l’aposteme estoit à la gorge, sera appliqué sur l’espaule et du costé mesme : ei si elle est sous Vaisselle, au milieu du bras partie interne : et sielle est aux aines, au milieu du plat de la cuisse, à fin de donner prompte issue à vne partie du venin, et le departir en deux : dont par ce moyen la partie où premierement s’assembloit le venin en l'aposteme, sera plus deschargée. Or pour faire ampoulles ou vessies, les choses suiuantes sont propres, à sçauoir, tithymal , batrachium nommé ranunculus, ou apium risus : aussi le ranunculus bulbosus, persicaria , pes leonis, autrement nommé pommelée, vitis alba vel bryonia, et principalement par dessus tous Ia moyenne escorce de viburnum appellé viorne, aussi l'escorce de tapsus barbatus ou flambe (laquelle est ainsi nommée des anciens, parce qu’elle est caustique, et fait vessies, et enflamme la partie) et autres semblables simples. Et où ne pourras trouuer desdits remedes, comme on fait difficilement en hyuer, Lu vseras de cestuy composé, lequel on peut faire en tous temps.
Medicament propre pour exciter des vessies et ampoules.
