CHAPITRE XXXIII

DE L'APOSTEME PESTIFERÉE, APPELLÉE BVBON OV BOSSE,

Or posons le cas que Nature ne s'est peu descharger par aucuns moyens el remedes susdits, mais plustost par aposteme faite aux emonctoires, laquelle d'’aucuns est appellée bubon pesliferé, d'autres {a bosse, d'autres la peste ou fusée, et-de Galien beste sauuage et farouche, et aux autres parties du corps, charbon, anthraæ et carboncle. Donc nous dirons que la bosse est vne tumeur qui esten son commencement de forme longuette et mobile, et en son estat ronde ou pointue, et immobile, fixe et attachée fort profondement aux emoncloires, comme du cerueau à la gorge, du cœur aux aisselles, du foye aux aines : et est faite de matiere plus crasse et visqueuse que le charbon, lequel est fait d’vne matiere plus acre, boüillante et furieuse, faisant escarre Où il s’arreste.

Au commencement que la fluxion de la bosse se fait, les malades disent sentir à l’'emonctoire comme vne corde tendue, ou vn nerf dur, auec douleur poignante: puis la matiere s’assemble comme vne glande, et peu à peu et en brief temps s'engrossit et s'enflamme, et est accompagnée d’autres accidens dessus mentionnés.

Si la tumeur est rouge et se grossit peu à peu, c’est bon signe. Celle qui ést liuide et noire, et tardiue à venir, est dangereuse. Aussi il ÿ en a qui viennent promplement et d’vne grande

1 Galien, au liu. de Theriaca ad Pisonem.

PESTE

furie , et ne tiennent la forme com mune , C’est à dire que subitement deuiennent enflammées, auec grande tumeur et douleur intolerable, et telles sont communément mortelles, On en a veu aussi qui tenoient de la couleur du cuir naturel, et sembloient estre vne tumeur œdemateuse, qui toutesfois faisoiént mourir le malade aussi {ost que celles qui estoient de couleur noire ou plombée : parquoy il ne s’y faut fier.