CHAPITRE XXXVL
DESCRIPTION DV CHARBON PESTIFERÉ, ET DE SES CAVSES, SIGNES ET MAR- OVES.
Charbon pestiferé est vne petite tumeur ou pustule maligne, feruente et furieuse, faite d’vn sang gros et noir, COrrompu en sa substance, par transmutation de sang loüable, de façon que le plus souuent ne peut estre regi ne gouuerné par Nature, parce qu’il peche en vne qualité maligne qui lui est inuincible. Il est de figure ronde et aiguë, et en son commencement n'es point plus gros qu’vn petit grain de mil, ou va pois, adherant fort contre la partie immobile , tellement que le cuir de dessus ne se peut enleuer de la chair de dessous : el croist promplement ainsi que fait la bosse, et quelquesfois plustost, aucunesfois plus tard, selon que la matiere ést plus ou moins furieuse , auecques grande chaleur, ardeur, et douleur lancinante el poi-
gnante, Comme pointes d’aiguilles,
laquelle est tres-cuisante et intolerable, principalement vers le soir, et la nuit plus que le jour , et plus lors que la concoction se fait en l’estomach que quand elle est faite : et au milieu apparoist vne pelile vessie, en laquelle semble estre contenue quelque sanie : et si on l’ouure, et qu’on descouure le cuir , on trouue au dessous la chair bruslée et noire, comme si va charbon ardent y auoit esté appiiqué , et pour ceste cause les anciens l'ont appelé Charbon. Et la chair d’entour est trouuée de diuersé couleur, comme on voit en l’arc du ciel, à sçauoir, rouge, brune, perse, vio-
PESTE
lette, plombée et noirastre, auec splendeur ou lueur estincellante, comme poix noire embrasée et enflammée, ayant pareillement similitude à vne pierre nommée Escarboucle, dont aussi aucuns lui ont attribué ce nom. Les vulgaires les appellent Clouds, parce que la matiere d’iceux cause douleur semblable comme si vn cloud estoit fiché à la partie.
Il y a aucuns charbons qui prennent leur commencement d’vn vlcere crousteux, sans pustule, comme si on y auoit appliqué vn cautere potentiel ou vn fer ardent, de couleur noire , qui croist aussi subitement, et quelquesfois plus tard, selon que la matiere est plus ou moins maligne, comme nous auons dit. Tous lesquels charbons pestiferés sont tousiours accompagnés de fiéure continue, et autres accidens fort cruels : et semble au malade qu’il a vne grande charge de plomb sur la partie charbonniere, et qu'elle soit estroittement Jiée (et veritablement ie le sçay pour l’auoir senti en mon corps) qui se fait à cause de la corruplion et suffocation des esprits, et de la chaleur naturelle de la partie en laquelle est le charbon, dont souuentesfois s'ensuit defaillance de cœur, inquietude, alienalion d’esprits et furie, gangrene et mortification, et par consequent la mort, non seulement de la partie, mais aussi de tout le corps, a 'nsi qu’on voit aussi souuent aduenir à l’aposteme pestiferé. Et à la verité on peut dire que le charbon et La bosse sont comme cousins germains, lesqueisne vont gueres Tvn sans l’autre: et la maüere d'iceux ne differe seulement, sinon que celle de la bosse est plus crasse el visqueuse, et celle du charbon plus acre, boüillante, furieuse
et subtile, faisant eschare au lieu où il se sied, ainsi qu'auons declaré cy dessus.
