DV TAVREAV DE LA FLORIDE

Il se trouue és Indes plusieurs sortes d'animaux ayans vne seule corne, comme vaches et taureaux. cheuaux, asnes, chéures, daims, monoceros :

autres ayans deux cornes, et plus. Et pour la renommée des vertus que l’on attribue à la licorne, il est vraysemblable que chacune nation se plaist à luy donner lenom de Licorne, comme auons dit cy dessus.

Theuet tome 2, liure 23, chapitre 2, dit qu’en la Floride se trouuent de grands taureaux, que les sauuages appellent Butrot, qui ont les cornes longues seulement d’vn pied, ayans sur le dos vne tumeur ou bosse comme d’vn chameau, le poil long par dessus le dos, de couleur fauue, la queuë comme celle d’vn Lion. Cest animal est des plus farouches qu’on scache trouuer, à cause dequoy iamais ne selaisse appriuoiser, s’il n’est desrobé et raui petit à sa mere. Les sauuages se seruent de leur peau contre le froid : et sontses cornes fort estimées, pour la proprieté qu’elles ont contre le venin : et partant les Barbares en gardent, à fin d’obuier aux poisons et vermines qu'ils rencontrent allans par pays.