DV POISSON NOMMÉ CASPILLY

Il se voit au goulfe d'Arabie vn poisson nommé Caspilly, armé d’aiguillons, dont il en a vn au milieu du front comme vne corne, long de quatre pieds, fort aigu, Iceluy voyant venir la Baleine, se cache sous les ondes, et choisit l'endroit plus aisé à blesser, qui est Le nombril : et la frappant , il la mef en telle necessité que le plus souuent elle meurt de telle

1 Tout ce paragraphe, jusqu’en cet endroit, est extrait, ayec une méchante figure qui suivait, du livre des Monstres de 1579.

DE LA LICORNE

blessure : et se sentant touchée au vif, commence à faire un grand bruit, se tourmentant et battant les ondes, escumant comme yn verrat, et va d’vne si tres-grande fureur et roideur se sentant prés des abboys de la mort, qu'elle culbute et renuerse les nauires qu’elle rencontre, et fait tel naufrage qu’elle les enseuelit au prefond de la mer, Ledit poisson est merueilleusement grand et fort, et lors que les Arabes le veulent prendre, ils font comme au crocodile, Sçauoir est auec yne longue et forte corde, au bout de laquelle ils attachent vne piece de chair de chameau, ou autre beste : et lorsque ce poisson apperçoit la proye, il ne faut à se ietter dessus et l’engloutir. Et estant l’hameçon auallé, et se sentant piqué, il y a plaisir à lui voir faire des saults en l'air, et dedans l’eau : puis estant las, les Arabes le tirent à coups de fleches, et luy donnent tant de coups de leuier qu’ils ’assomment :

puis le mangent, et gardent sa plus grande corne pour en vser contre les venins , ainsi que les autres font des cornes de Licornes.