DV POISSON NOMMÉ VYLETIF, ESPECE DE LICORNE DE MER

André Theuet en sa Cosmographie, dit que courant fortune en l’Ocean és costes d'Afrique, visitant la Guinée et l’Anopie , il a veu le poisson cy aprés representé, ayant vne corne sur le front en maniere d’vne scie, longue de trois pieds et demy, et large de quatre doigts, ayant ses pointes des deux costés fort aiguës, Il se com-

bat furieusement de ceste corne.

Ceux de la Guinée l’'appellent en leur iargon Vletif.

Defunt monsieur le Coq, Auditeur en la Chambre des Comptes à Paris, me donna yne corne dudit poisson qu'il gardoit en son cabinet bien cherement : lequel scachant que restois curieux de rechercher les choses rares et monstrueuses, desira qu’elle fust mise en mon cabinet, auec mes autres rarités. Ladite corne est longue de trois pieds et demy, pesant cinq liures ou enuiron, ayant cinquante et vne dents aiguës et tren.

chantes, longues du trauers d’vn pouce et demy : estans icelles dents vingt-cinq d’yn costé, et vingt-six de Pautre. Ceste corne en son commencement est large d’vn demy pied ou enuiron, allant tousiours en diminuant iusqu’à son extremité, où elle est obluse ou mousseuse, estant platie, et non ronde comme les autres cornes. Le dessus est de couleur comme d’vne sole, et le dessous aucunement blanc, et fort poreux.

Il s'en trouue d’autres moindres, et plus petites, selon l’aage du poisson,

Plusieurs estiment leditanimal estre vne licorne marine, et s’en seruent contre les morsures et piqueures de bestes venimeuses, comme l’on fait de la ‘corne de licorne. Le populaire l'estime estre vne langue de serpent, qui est chose faulse.