CHAPITRE XXX

DES EMBROCATIONS,

Embrocation selon les Grecs, ou irrigation selon les Latins, est vn arrousement, quand d’en haut à la similitude de la pluye l’on laisse disüller quelque decoction sur quelque partie, principalement aux affections de la teste, enuiron la suture coronale, {ant pource que par Les ouuertures manifestes de telle suture , la vertu du medicament est portée plus aisément au dedans, qu’aussi pource que le crane enuiron ce quartier est plus mince qu'en aucun autre endroit.

La decoction conuenable à faire embrocation , est faite de racines, fueilles , fleurs, semences, fruits, et autres semblables medicamens choisis selon nos intentions, lesquels sont cuits en ïtiure et demie, ou en deux liures d’eau et de vin, iusques à la consomption de la moitié ou de la tierce partie. Aucunesfois on fait embrocations de lexiues et saulmures

-desseichantes, pour les maladies froi-

des du cerueau : souuentesfois aussi elles sont faites d'huile seule, ou de vinaigre auec huile, si c’est pour la teste : vn exemple seul suffira pour t’en donner la connoissance.

Æmbrocalion repercussiue.

2%. Foliorum plantaginis et solani ana m. j.

Seminum portulacæ etcucurbitæ ana 3.ij.

Myrtillorum 5. j.

Florum nymphææ et rosarum ana p. 8.

Fiat decoctio ad 5. j. ex qua irrigetur pars inflammata.

Pour repercuter aussi pourra estre faite embrocation d'huile rosat auec vinaigre.

Nous vsons des embrocations , à fin que la partie la plus subtile puisse penetrer auec l'air qui est attiré par les arteres!:au moyen de quoy la partie est euentilée et aucunement rafraichie, qui est cause que telles embrocations ont plus de lieu aux maladies froides que chaudes. La maniere d'en vser est quand, ou par la crainte de flux de sang, ou pour vn os rompu nous ne voulons de faire la ligature, ains espreignons de haut van linge ou du cotton trempé en decoction ou huile conuenable à nosire propos, sur la ligature : car le coup est rompu par les bandes. Aucunesfois nous imbibons le linge ou cotton, et en touchant la partie nous faisons embrocation. Toutesfois pour en parler à la verité, telle chose merite plustost le nom de fomentation humide que d’embrocation, comme l’etymologie du mot grec le monstre euidemment,.