DES SACHETS

Sachet est vne composition de medicamens secs et puluerisés mis en vn petit sac, dont il retient le nom : et semble telle composition estre seulement vne fomentation aride et seiche, comme auons dit au chapitre des Fomentations.

Les differences des sachets ne sont prises que des parties ausquelles ils sont appliqués. Ceux qui s'appliquent à la teste doiuent estre faitsen maniere de bonnet ou coiffe. Les sachets pour Pestomach doiuent auoir la figure d’vne cornemuse. Pour la ratte ils sont faits en forme de langue de bœuf : et ainsi sont appropriés au foie, au cœur, à la poitrine, selon la figure des parties.

La matiere des sachets le plus souuent est prise des semences entieres fricassées en vne paesle, ou mises en poudre : quelquesfois on y adiouste racines , fleurs, fruits , escorces, poudres cordiales , et autres medicamens secs, et qui se peuuent mettre en poudre , conuenabies aux affections des parties où nous les voulons appliquer.

La quantité des poudres n’est pas limitée, ny certaine en tous sachets :

quelquesfois elle est plus grande, quelquesiois plus petite, selon les parties esquellesnous voulons mettre sachets. Icelle doit estre obseruée aux autheurs qui ont ordonné sachets :

esquels ie la trouue de trois onces iusques à six onces et demie. Aucunesfois l’on ordonne herbes seiches et fleurs par manipules ou pugilles : et là gist la consideration de la bonne et deuë quantité des poudres. Le reste

DES MEDICAMENS.

ie delaisse à plus curieuse inquisition :

venons aux exemples.

Sachet pour conforter l’'estomach.