CHAPITRE XL

DES SVFFVMIGATIONS ET PARFVMS.

Parfum est vne euaporation de medicamens humides, visqueux aucunement, et gras. Il y a deux manieres de parfums et suffumigations , les vns sont secs, les autres humides : les secs sont faits en deux sortes : les vns sont faits en trochisques, les autres en pilules. La matiere d’iceux doit estre grasse el visqueuse , à fin qu’en bruslant elle puisse rendre fumée, comme ladanum , myrrha, mastiche , pix, cera, resina , lerebenthina, castoréum, styrax, thus, olibanum, et les autres gommes , lesquelles on peut mesler avec poudres conuenables à nos intentions : car elles seruent de matiere à incorporer lesdites poudres en trochisques ou pilules. Aucuns vsent

1 Interbastatoires. J'ignore ce que veut dire ce mot; Je latin Va passé sous silence.

seulement des poudres sans y adiouster autre matiere grasse: mais le parfum d'icelles n’est tant long ny de tel effet que quand elles sont meslées auec gommes, par le moyen desquelles,outre cela, lesingrediens sont bien mieux incorporés l’vn auec l’autre.

Les poudres peuuent estre mises és parfums d’vne demie once, iusques à vne once et demie, auec suffisante quantité des gommes, laquelle aucunesfois est de deux onces, plus ou moins: toutesfoisla quantité du toutest delaissée au iugement du composant.

Parfum desseichant et confortant le cerveau.