DES VAISSEAVX POVR DISTILLER

Les vaisseaux propres aux distillations sont faits de diuerse matiere et

forme : car les vns sont de plomb,

d’estain , d’airain, de terre plombée et non plombée, de grais, lesquels sont fort bons, de verre, d’or, d’argent.

Quant aux vaisseaux de plomb, ils sont du tout à reprouuer, principalement si les liqueurs tirées par iceux se doiuent prendre par la bouche, à cause de la salsitude quiest de nature de plomb, et autres malefiques qualités du plomb : consideré mesmement que Galien condamne et reprouue l’eau conduite par canaux de plomb, pour-ce qu’elle esmeut flux de ventre , à cause de sa nalure qui est de substance de mercure. D’auantage, nous voyons ordinairement eaux distillées par le plomb estre le plus souuent auec acreet vehemente vapeur, qui se fait à raison qu'iceluy sel est dissout de la voute de l’alembic, lequel gaste les eaux, les rendant blanches et espaisses comme laict. Et quant à ceux d’airain et cuiure, ils rendent les eaux airugineuses, et encore plus nuisantes que ceux de plomb. Ceux d’or et dargent sont moins nuisans, ains en appareil sont-

DES DISTILLATIONS

ils plus difficiles, à cause du coust qui en oste le goust.

Parquoy faut mettre diligence que les vaisseaux distillatoires soient ou de terre plombée, ou de verre, ou de grais, nommée ferre de Beauuais, plustost que de plomb ou d’aucun metal : toutesfois ceux de verre sont les meilleurs, en second lieu ceux de terre plombée ou vitrée, ou de grais :

aprés, ceux d’estain : et ceux de verre ne doiuent estre de fugere.

Quant à la forme et figure des vaisseaux , ils sont de plusieurs façons :

les vns sont de figure ronde et oblongue, les autres tortus, autres d'autre figure, comme ils te sont presentés au liure des Alchymistes : du nombre infiny desquels ie t'en donneray le portrait des plus necessaires , et declareray leur vsageenleurproprelieu.