DE LA MATIERE ET FORME DES FOVRNEAVX
Les matieres et formes des fourneaux sont diuerses : car les vns sont faits de briques et de terre grasse autres de terre grasse seule : les meilleurs sont faits de terre grasse auec ciment et blanc d'œuf, et bourre:
toutesfois si tu veux soudainement distiller, tu en peux faire vn de briques mises les vnes sus les autres, proprement accommodées.
La meilleure et plus commode forme des fourneaux entre tous est celle qui est ronde par tout, à raison que le feu, porté en haut, va par tout en plus egale mesure : ce qu'il ne feroit pas s’il estoit d’autre figure, comme quarré ou triangulaire, à cause que la separation des angles disioindroit la force du feu se separant çà et là. Ils seront de telle grandeur qui sera requise selon le vaisseau qu'on y voudra apposer, et seront espais plus ou moins que tu aduiseras estre necessaire. Tels fourneaux doiuent auoir deux fonds, l’vn en bas pour receuoir les cendres du charbon ou d'autres telles matieres de feu : l’autre plus haut qui tienne les charbons allumés, et fait en façon de gril, ou bien separé par plusieurs pelits trous, à fin que les cendres s’escoulent au fond d’embas plus facilement, et qu’elles ne suffoquent le feu qui eschauffe l’alembic. Autres, trois fonds, comme au four de reuerberation, sçauoir l’vn pour receuoir la cendre, l’autre pour mettre le charbon, le tiers pour mettre la matiere à calciner ou à distiller, lequel doit estre couuert d’vne couuerture à demy ronde, pour reuerberer la chaleur ou la flamme sus la matiere à calciner ou à distiller, selon que la matiere le requiert !. Le fond d’embas peut auoir vne ou plusieurs gueulles, à fin d’oster les cendres qui y seront tombées : et quant à celuy d’en haut, il en doit auoir vne seule, de grandeur mediocre, pour mettre le charbon ou bois dedans, et en haut deux ou trois petits trous, pour donper air et euenter le feu, lors que tu voudras augmenter : l’vne et l’autre
1 Cette dernière phrase, relative aux foure neaux à trois fonds, aété ajoutée en 1579.
LE VINGT-SIXIÉME LIVRE
gueulle seront garnies de leur bouchon ou porte.
Or en defaut de fourneau ou de matiere pour ce faire, tu peux accommoder ton vaisseau, ou bien ton chaudron ou jatte, sus vn trepié, comme il te sera monstré cy aprés en la distillation du baing Marie.
