LA MANIERE DE DISTILLER PAR FILTRE

Il faut auoir trois iattes ou bassins, ou autres vaisseaux faits de telle matiere qu'il sera requis, selon la liqueur que vous voudrez distiller.

Iceux seront tellement situés que l’vn soit plus haut que les deux autres :

et le second que le dernier. Le plus haut contiendra le jus qu’on voudra distiller, et le bas ou dernier receura la distillation. Et dedans les deux premiers vaisseaux trempera vne ou plusieurs pieces de drap, ou de feutre , assez longue , qui sera large par van bout et pointue de l’autre : le costé large trempera dans le jus ou liqueur, et le pointu pendra dehors, par lequel la liqueur plus subtile montera, et distillera goutte à goutte au vaisseau d’embas, en sorte que le plus limonneux et impur demeurera au premier et second vaisseau. Si l'on veut plusieurs fois et en mesme temps distiller vne mesme liqueur, l'on pourra disposer plusieurs vaisseaux en forme d’escallier ou d’eschelette : et en chacun de ceux qui seront les plus hauts, mettre la piece de feutre de la façon qu’auons dit, en sorte que le dernier vaisseau soit celuy qui reseruera toutes les distillations. En lieu de lisiere de drap, on peut vser de cotton ou de laine filée, dix ou douze filets ensemble liés par vn bout, lequel trempera dans le premier vaisseau ft. :

1 Ici venait le Portrait des vaisseaux pour distiller par filtre; le texte est assez clair pour qu'il ne soit pas besoin d’autre explication.

DES DISTILLATIONS

Au lieu de ceste distillation, les Apoticaires vsent de manche de drap faite en pointe, qu’on appelle chausse d'hippocras. Or telle distillation n'a esté excogitée sinon que pour purifier, depurer, et clarifier Loutes eaux et jus, et autres compositions qui sont en eau : comme pour exemple {e donneray ceste cy qui est dite vulgairement laict virginal, lequel se purifie en ceste sorte par le filtre.

Laict virginal.

Prenez litharge d’or bien pulueriséc onces iij., faites les infuser en vj.

onces de bon vinaigre par l’espace de trois heures , dans vn vaisseau à part : et dedans vn autre vaisseau meitez aussi infuser sel commun en eau de plantain, morelle, eau rose, ou commune, faites distiller par feutre chacun à part : et aprés qu'ils seront distillés, meslez-les ensemble, et alors aurez le laict virginal, blanc comme laict, qui est propre pour la goutte rose, comme ay descrit en mon

‘ Antidotaire 1.