CHAPITRE XIV

LA MANIERE DE TIRER L’HVILE DES GOM- MES, LARMES , OV LIQOVEVRS ESPAIS- SES, ET RESINES, ET MESME DE CER- TAINS BOIS.

Toutes les huiles des gommes et bois oleagineux, ensemble l’huile des metaux, sont tirées par vn vaisseau appellé retorte, etcornemuse des Fran:

çcois, à la semblance duquel instrument est faite la retorte. Quant à la matiere dont il doit estre fait, il est meilleur de verre, de pierre, puis de terre plombée et vernissée : quant à la grandeur, il doit estre selon la matiere et quantité d’huile qu’il te sem-

LE VINGT-SIXIÉME LIVRE

blera bon extraire : toutesfois nous le prenons ordinairement de telle grandeur que sa capacité interieure puisse tenir douze liures d’eau , ayant aussi vn col de pied et demy, ou d’vn pied pour le moins. Le vaisseau receuant le plus souuent est vne fiole de verre, où bien vne autre retorte, dans laquelle soit accommodé et inseré le col de la retorte. Icelle doit estre posée en vne iatte ou terrine pleine de cendre ou sable, laquelle doit estre mise et accommodée sus lé fourneau !,

Entrelesgommes,les vnes sont liquides , les autres solides, et d’icelles aucunes plus solides que les autres :

les solides donnent plus de peine à distiller que les liquides, à raison qu’elles ne se liquefient si tost et n’obeïssent parcillement au feu, et pource souuentesfois se bruslent deuant que se dissoudre: et pour-ce aucuns adioustent pour liure de gomme solide deux ou trois onces d’huile de terebenthine, de la plus claire et liquide, à raison qu'elle est tres-pure et nette. Quant aux liquides, elles sont fascheuses aussi à distiller, à raison que souuent elles s’enflent de telle façon qu’elles regorgent dans le receuant , telles qu’on les a mises à la retorte, principalement si du commencement on y donne feu grand et violent : et pour obuier à tel inconuenient, aucuns adioustent en la retorte du sable.

Huile de resine et terebenthine.

Prenez terebenthine deux ou trois

1 L'auteur ajoutait : comme tu peux voir par ce portrait. Le texte est assez clair ici pour se passer de la figure, qui d’ailleurs ne méritait pas mieux d’être conservée que les précédentes.

DES DISTILLATIONS

liures , laquelle mettrez en vostre retorte de verre assez grande, tellement que les trois parties soient vuides, y adioustant pour liure de terebenthine trois ou quatre onces de sable : cela fait, vous poserez vostre retorte dans vne iatle ou terrine pleine de cendres sassées et bien accommodées sus vostre fourneau, au col de laquelle adiousterez vn receuant bien luté, puis ferez feu au commencement bien leger : car ces liqueurs eschauffées facilement s’esleuent et enflent: puis augmenterez vostre feu petit à petit, donnant garde que la matiere ne bouille trop à coup.

Au commencement distillera vne eau claire aceteuse, à laquelle ordinairement se concret vne hypostase , puis sortira vne huile fort claire approchant d’iceluy phlegme, et lors augmenterez vn peu vostre feu, à fin de faire monter la troisiéme liqueur qui est vne huile de couleur d’or claire et subtile : et de rechef donnerez feu de chasse auec feu de flambe, ‘pour tirer vne huile rouge et vermeille de couleur de ruby, assez espaisse, el par ce moyen tirerez de la terebenthine ces quatre liqueurs :, vous pourrez changer à chaque fois yn recipient, mais il est plus expedient les laisser ensemble, à fin de les distiller vne autre fois. D’vne liure de terebenthine, sera tousiours tiré dix ou douze onces d'huile : elle est singuliere pour la paralysie, conuulsion, picqueure de nerfs ,et pour les playes des parties nerueuses.

Pour extraire l'huile de Cire.

Prenez Yne liure de cire , laquelle ferez fondre, et la verserez en vostre retorte de verre accommodée au feu de sablon ou de cendre, comme

auons dit cy dessus de la terebenthine, et d’icelle sera fait distillation, augmentant le feu petit à petit, Il ne sort ordinairement qu'vne seule huile et vn peu de phlegme , toutesfois vne partie d'icelle se congele comme beurre, et pour-ce de rechef doit estre distillée et rectifiée. D'vne liure de cire se peut tirer six ou huit onces d'huile, laquelle est recommandée sur toutes autres choses pour les contusions et douleurs froides.