CHAPITRE IV
DE L'INDVSTRIE ET ARTIFICE DES OISEAVX A FAIRE LEVRS NIDS,
L'industrie et artifice, laquelle {ous les oiseaux ont à faire leurs nids, est faite tant proprement, qu’il n’est possible de mieux : tellement qu'ils surpassent tous les maçons, charpentiers, et edificateurs: car il n’y a homme qui sceust faire edifice plus propre pour luy et pour ses enfans, que ces petits animaux les font pour eux, tellement que nous en auons vn prouerbe, que les hommes sçauent tout faire, sinon les nids des oiseaux.
Et ont cest artifice, qu’ils les garnissent de plume, laine, ou d’autre matiere molle, comme s'ils leur preparoient vne coulte ou vn matelaspour les loger plus à leur aise. L’irondelle fait son nid en figure spherique et ronde, laquelle figure est plus ferme et contient plus que toute autre : el.
les le bastissent de fange et petits fetus, comme s’il csloit de ciment et de chaux. Les oiseaux qui font leurs
LE LIVRE DES ANIMAVX
nids sus les arbres, eslisent les branches sur lesquelles font leurs nids, comme sur vn fondement bien asseuré, et qu'ils puissent estre bien couuerts !. Or pendant que la femelle est empeschée à couuer ses œufs el à faire ses petits, le masle luy sert à son tour, pour donner loisir à 12 femelle d'aller querre sa vie: et quand ses petits sont esclos, le masle et la femelle ensemble ne cessent iamais à leur porter viande, l’ostant de leur bec, l’espargnant pour leur bailler :
qui est cause qu'ils ne sont trop gras lors qu’ils les nourrissent, pour le grand soin qu’ils en ont, ne les abandonnans iusques à ce qu'ils mangent d’eux-mesmes.
lay en ma maison assez bonne quantité de passereaux qui font leurs nids en certains pots de terre: ct lors que leurs pelits sont grandelets et couuerts de plume, ren fais denicher et mettre en vne cage pour le plaisir de mes amis et de moy, à voir que le pere et la mere les viennent appasteler, et quand il y en a vnquija a receu sa becquée, et neantmoins qu'il se vienne representer ouurant le bec, le pere et la mere le laissent, connoissans ceux à qui il en faut baïller : et ainsi font leur distribution, comme il appartient , selon l’ordre et regle de iustice distributiue. l’ay fait mettre vn passereau eslranger auec les autres de mesme aage, pour connoistre et scauoir si le pere et la mere des autres auroient cure de l’appasieler :
veritablement non,mais au contraire le laissoient mourir de faim, neantmoins qu'il ouurist le bec comme les autres legitimes.
On voit aussi les petits chéureaux et aignelets, estans aux champs en
1 Aristot. de Ænimal., liu. 6.ch.8,—A P,
ET DE L'EXCELLENCE DE L'HOMME
grand nombre, que chacun reconnoist sa mere, neantmoins qu’elles sont vestues loules d’vne couleur :
pareillement la mere ne permettra yne autre l’allaicter.
Le chéurean, l’aigreau, le pou:
lain , et scmblables animaux, si tost qu'ils sont nés, d’eux-mesmes cherchent et courent aux mammelles de leurs meres , sçachans naturellement que là est leur nourriture : et deuenus grands, ils choisissent de mille diuerses plantes en vn terroir et pasturage, celles qui leur sont p'opres pour les alimenter !.
