OVE LES BESTES PEVVENT ESTRE APPRIVOISÉES

Theuët en sa Cosmographie , Tome second , chap. 7., dit que le Turc fait nourrir de toutes sortes de bestes, comme Lions, Tigres ,; Leopards, Loups - ceruiers, Chameaux, Elephans, Porcs-espics, et autres bestes estranges : et souuent les hommes qui les gouuernent sont en Constantinople ou au Caire. Ils les meinent par la ville auec vne grosse chaisne de fer , et prircipalement les Lions, ayans de petites clochettes, à fin que le peuple se retire, et que ces bestes ne gastent quelqu’vn, ce quesouuentes fois est aduenu, Et si ceux qui les gouuernent sont aduertis de quelque grand seigneur ou ambassadeur qui soit arriué , ils ne faudront luy amener en son logis cesdits Lions, auec compagnie d'auires bestes estranges, ausquelles ils font faire mille passetemps : leurs maistres semblablement ioüent de plusieurs sortes d’instrumens à La Turquesque, mesme ioüent

LE LIVRE DES ANIMAVX

Comedies, et luttent : s’asseurans tous d’auoir quelque present dudit seigneur qui aura receu tel passe-temps.

Mais ce n’est chose merueilleuse que les bestes terrestres puissent estre appriuoisées auec les hommes, veu que les Aquatiques lé peuuent estre , entre lesquelles on nomme les anguilles. Plusieurs autheurs ont escrit de la Murene : semblablement que Crassus a eu vne Lamproye, laquelle estoit si appriuoisée, qu’elle luy obeïssoit, dont luy auoit donné vYn nom comme à vne beste domeslique, et l’appellant ja faisoit venir vers luy. Icelle estant morte, en pleura : ce que Domitius luy ayant reproché d'auoir plor ‘sa Murene, luy respondit qu'il auoit cu trois femmes sans en auoir ploré vne seule f.