CHAPITRE XIV

LA MANIERE DE TIRER L'hVILE DES GOM- MES, LARMES, OV LIQVEVBS ESPAIS- SES, ET RESINES, ET MESME DE CER- TAINS BOIS.

Toutes les huiles des gommes et bois oléagineux, ensemble l'huile des métaux , sont tirées par vn vaisseau appellé retorte, et cornemuse des Fran ■ çois , à la semblance duquel instrument est faite la retorte. Quant à la matière dont il doit estre fait, il est meilleur de verre, de pierre, puis de terre plombée et vernissée : quant à la grandeur, il doit estre selon la matière et quantité d'huile qu'il te sem-

EMB LIVRE ,

blera bon extraire : toutesfois noug le prenons ordinairement de telle grandeur que sa capacité intérieure puisse tenir douze liures d'eau , ayant aussi vn col de pied et demy, ou d'vn pied pour le moins. Le vaisseau receuant le plus souuent est vne Gole de verre, ou bien vne autre retorte, dans laquelle soit accommodé et inséré le col de la retorte. Icelle doit estre posée en vne iatte ou terrine pleine de cendre ou sable , laquelle doit estre mise et accommodée sus le fourneau ».

Entrelesgommes,les vues sont liquides , les autres solides , et d'icelles aucunes plus solides que les autres :

les solides donnent plus de peine à distiller que les liquides, à raison qu'elles ne se liquéfient si tost et n'obeïssent pareillement au feu, et pource souuentesfois se bruslent deuant que se dissoudre : et pour-ce aucuns adioustent pour liure de gomme solide deux ou trois onces d'huile de térébenthine , de la plus claire et liquide, à raison qu'elle est tres-pure et nette. Quant aux liquides, elles sont fascheuses aussi à distiller, à raison que souuent elles s'enflent de telle façon qu'elles regorgent dans le receuant, telles qu'on les a mises à la retorte, principalement si du commencement on y donne feu grand et violent : et pour obuier à tel inconuenient , aucuns adioustent en la retorte du sable.

Huile de résine et térébenthine.

Prenez térébenthine deux ou trois

1 L'auleur ajoutait : comme tu peux voir par ce portrait. Le texte est assez clair ici pour se passer de la figure, qui d'ailleurs ne méritait pas mieux d'être conservée que les précédentes.

liiires , laquelle mettrez en vostre retorte de verre assez grande, tellement que les trois parties soient vuides.y adioustant pour liure de térébenthine trois ou quatre onces de sable : cela fait , vous poserez voslre retorte dans vne iatlo ou terrine pleine de cendres sassées et bien accommodées sus vostre fourneau , au col de laquelle adioustercz vn receuant bien luté, puis ferez feu au commencement bien léger : car ces liqueurs eschauffées facilement s'esleuent et enflent: puis augmenterez vostre feu petit à petit , donnant garde que la matière ne bouille trop à coup. Au commencement distillera vne eau claire aceteuse, à laquelle ordinairement se concret vne hypostase , puis sortira vne huile fort claire approchant d'iceluy phlegme, et lors augmenterez vn peu vostre feu, à fin de faire monter la troisième liqueur qui est vne huile de couleur d'or claire et subtile : et de rechef donnerez feu de chasse auec feu de flambe , pour tirer vne huile rouge et vermeille de couleur de ruby, assez espaisse, et par ce moyen tirerez de la térébenthine ces quatre liqueurs vous pourrez changer à chaque fois vn récipient, mais il est plus expédient les laisser ensemble , à fin de les distiller vne autre fois. D'vne liure de térébenthine, sera tousiours tiré dix ou douze onces d'huile : elle est singulière pour la paralysie, conuulsion, picqueure de nerfs , et pour les'playes des parties nerueuses.

Pour extraire l'huile de Cire.

Prenez vne liure de cire , laquelle ferez fondre, et la verserez en voslre retorte de verre accommodée au feu de sablon ou de cendre, comme

DES DISTJLLATIONS. 63l

auons dit cy dessus de la térébenthine, et d'icelle sera fait distillation, augmentant le feu petit à petit. Il ne sort ordinairement qu'vne seule huile et vn peu de phlegme , toulesfois vne partie d'icelle se congelé comme beurre, et pour-ce de rechef doit es- Ire distillée et rectifiée. D'vne liure de cire se peut tirer six ou huit onces d'huile, laquelle est recommandée sur toutes autres choses pour les contusions et douleurs froides.