COMME LES DEMONS HABITENT ÉS CARRIERES
Loys Lauater escrit que les Metalliers affirment que l'on voit en ceraines mines des esprits vestus comme ceux quî besongnent aux mines, courans çà et là, et semble qu'ils trauaillent, encores qu'ils ne bougent : aussi dient qu'ils ne font mal à personne , si on ne se mocque d'eux : ce qu'aduenant, ils ietteront quelque chose contre le mocqueur, ou l'endommageront de quelque autre chose.
Aussi n'agueres que i'estois en la
1 Lciiil. 2. — A. P.
2 Chap. ?0. — A. P.
ÎME LIVRE,
maison du duc d'Ascot, vn sien gentilhomme nommé l'Heisteri, homme d'honneur, et qui a la plus grande part de la charge de sa maison , m'asseura qu'en certaines mines d'Allemagne (ioint aussi que d'autres l'ont escrit) on oyoit des cris fort eslranges et espouuentables , comme vne personne qui parleroit dedans vn pot, traînant chaisne aux pieds, toussant et souspirant, tanlost lamentant comme vn homme que l'on gesne : autresfois vn bruit d' vn grand feu qui claquette • autresfois coups d'artilleries laschées de bien loing , tabourins, clerons et trompettes, bruit de chariots et cheuaux, cliquets de foiiels, cliquetis de harnois, piques, espées , hallebardes, et autres bruits comme il se fait aux grands combats : aussi vn bruit comme lorsqu'on veut bastir vnemaison , oyant esbaucher le bois , bruire le cordeau , tailler la pierre , faire les murailles et autres manœuures, et cependant l'on ne voit rien de tout cela.
Ledit Lauater escrit qu'en Dauans, païs des Grisons, il y a vne mine d'argent, en laquelle Pierre Briot, homme notable et consul de ce lieu là, a fait trauailler ces années passées , et en a tiré de grandes richesses II y auoit en icelles vn esprit , lequel principalement le iour du vendredy , et souuenl lors que les metalliers versoient ce qu'ils auoient tiré dedans des cuues , faisoit fort de l'empesché, changeant à sa fantasie les métaux des cuues en autres. Ce consul ne s'en soucioit pas autrement , quand il vouloit descendre à sa mine , se fiant que cest esprit ne luy pouuoit faire aucun mal , si ce n'est oit par la volonté de Dieu. Or aduint vn iour
iCes deux mois, nommé l'Heistcr, n'ont été ajoutés qu'en 1579.
CES MONSTRES ET PRODIGES
que cest esprit fit beaucoup plus de bruit que de coustume, tellement qu'vn metallier commença à Tiniurier, et luy commander d'aller au gibet et en son enfor, auec maudissons : lors cest esprit print ce metallier par la teste , laquelle il luy tordit en telle sorle, que le deuant esloit droitement derrière . et n'en mourut pas toutesfois , mais vesquit longuement depuis, ayant le col tors, conneu familièrement de plusieurs qui viuent encore, et quelques années après mourut.
Il escrit beaucoup d'autres choses des esprits , que chacun peut lire en son liure.
Ledit Loys Lauater au liure susdit, dit auoir ouy dire à vn homme prudent et honorable , baillif dVne sei gneurie dépendante de Surich, qui afflrmoit qu'vn iour d'esté , de grand matin , allant se promener par les prés, accompagné de son seruiteur, il vit vn homme qu'il connoissoit bien se meslant meschamment auec vue iument , dequoy il fut grandement estonné : retourna soudainement, et vint frapper à la porte de celuy qu'il pensoit auoir veu. Or il trouua pour certain que l'autre n'auoit bougé de son lit : et si ce baillif n'eust diligemment sceu la vérité , vn bon et honneste personnage eust esté emprisonné et gesné II recite ceste histoire, à fin que les iuges soient bien aduisés en tel cas.
