LE DIX-NEV

très par tout le genre humain , ietlans leur semence dans les matrices des besles , creans ainsi par les perlurbalions de semence vue infinité de monstres et prodiges ?

CMAPITRE XXXI.

DR l'art MAGIQVE.

D'auantage l'art magique se fait par le meschant artifice des diables.

Or il y a de plusieurs sortes de magiciens : aucuns font venir à eux les diables, et interroguent les morts, lesquels sont nommés nécromanciens :

autres cheiromanciens , parce qu'ils deuinent par certains lineamens qui sont és mains : autres hydromanciens, par-ce qu'ils deuinent par l'eau : autres geomanciens , par-ce qu'ils deuinent par la terre : autres pyromanciens, qui deuinent par le feu : autres aëromanciens , ou augures, ou prognostiqueursdela disposition future, par-ce qu'ils deuinent par l'air, sçauoir est par le vol des oiseaux , ou par tourmentes, orages, tempesles et vents. Tous lesquels ne font que tromper et abuser les incrédules, qui vont au recours à ces deuins, prophètes, maléfiques, enchanteurs: lesquels sus tous autres sont coustumierement opprimés de perpétuelle pauureté et disette , par-ce que les diables l(!s engouffrent en vn abysme d'obscurité , leur faisans accroire mensonge estre vérité, par illusions et fausses promesses inlerturbées et insensées, qui est vne folie et insupportable bourbier d'erreur , et facelie. Il faut du tout fuir ces hommes, et les chasser loin par ceux qui connoissent la vraye religion , comme

ÉME LIVRE,

fist anciennement Moyse par commandement de Dieu.

lean de Marconuille en son liure, Du recueil mcmoraUe d'aucuns cas merueilleux aduenusde nos ans, escrit d' vne deuineresse, sorcière de Boulongne la Grasse en Italie, laquelle après auoir long temps exercé son art diabolique, tomba en vne griefue maladie, dont elle flna ses iours. Quoy voyant vn magicien, qui ne l'auoit iamais voulu desaccompagner pour le profit qu'il tiroit du vivant d'elle de son art : il luy mit vn certain poison venefique sous les aiscelles , tellement que par la vertu de ce poison , elle sembloit estre viuante, et se Irouuoit aux compagnies comme elle auoit accoustumé, ne semblant en rien différer d'vne personne en vie , fors la couleur qui esioit excessiuement palle et blesme. Quelque temps après il se trouua vn autre magicien à Boulongne, auquel il prit fanlasie d'aller voir ceste femme , pource qu'elle auoit grand bruit, à raison de son art : lequel estant arriué à ce spectacle comme les autres pour la voir ioiier, tout subit s'escria disant : Que faites-vous icy, messieurs? ceste femme que vous estimez qui face ces beaux soubre-sauts et ieux de passe-passe deuant vous, c'estvnepuante et orde charongne morte : et tout soudain elle tomba en terre morte, de sorte que le prestige de Satan et l'abus de l'enchanteur fut manifesté à tous les assistans.

Langius en ses Epistrcs Médicinales », raconte d'vne femme possédée d'vn mauuais esprit , laquelle après auoir esté affligée d'vne cruelle douleur d'estomach, estant délaissée par

1 Epislrc 4). — A. P.

DÉS Monstres

les Médecins , subitement vomit des clous fort longs et courbés, et des aiguilles d'airain empaquetées auec de la cire, et des cheucux. Et en la mesme Epistre escrit , que l'an mil cinq cens trente neuf, au village nommé Tuguestag, vn certain laboureur nommé Vlricb Nenzesser, après auoir enduré vue cruelle douleur au flanc , luy ayant esté faite ouuerture d'vn rasoir , sortit vu clou d'airain : toutesfois les douleurs s'augmentèrent déplus en plus, et d'impatience se coupa la gorge : et ayant esté ouuerl , on luy trouua dans l'estomach vn morceau de bois , long et rond , quatre cousteaux d'acier, desquels aucuns estoient aigus , les autres dentelés en manière de scie, et ensemble deux ferremens aspres , lesquels surmontoient la longueur d'vne demie coudée, auec vne grosse pelote de cheueux. Il est vray-semblable que toutes ces choses se sont faites par l'astuce du diable, qui deceuoit les assistans par leur veuë.

Eucor depuis n'agueres i'ay veu faire à vn imposteur et enchanteur, en la présence du Roy Charles IX, et de Messeigneurs les Mareschaux de Montmorency, de Rets , et le seigneur de Lansac, et de monsieur de Mazille premier Médecin du Roy, et de monsieur de sainct Pris, valet de chambre ordinaire du Roy, plusieurs autres choses qui sont impossibles aux hommes de faire sans Tastuce du diable , qui déçoit nostre veuë , et nous fait apparoislre chose fausse et fantastique : ce que librement ledit imposteur confessa au Roy, que ce qu'il faisoit estoit par l'astuce d'vn esprit, lequel auoit encor temps de trois ans à estre en ses liens , et qu'il le tourmentoit fort : et promit au Roy, son temps venu et accompli, qu'il seroit

homme de bien. Dieu luy en veuille donner la grâce : car il cs,t escrit : Tu n'endureras point viure la sorcière. Le Roy Saiil fut cruellement puni , pour s'estre addressé à la femme enchanteresse. Moyse pareillement a commandé à ses Hebrieux , qu'ils missent toute peine d'exterminer d'autour d'eux les enchanteurs