DES MONSTRES CELESTES

Les anciens nous ont laissé par escrit que la face du Ciel a esté tant de fois défigurée de Comètes barbues, cheuelues , de torches , flambeaux , coulonnes , lances , boucliers, batailles dénuées , dragons, duplication de Lunes et Soleils , et autres choses : ce que ie n'ay voulu obmeltre, pour accomplir ce liure des Monstres : et pour ce en premier lieu ie produiray ceste histoire , figurée aux histoires prodigieuses de Boisluau , lequel dit l'auoir tirée de Lycosthene.

L'an tiquilé, dit-il , n'a rien experi.

menté de plus prodigieux en l'air, que la Comète horrible de couleur de sang qui apparut en Westrie, le neufiéme iour d'Octobre mil cinq cens vingt huict. Ceste Comète estoit si horrible et espouuentable , qu'elle engendroit si grande terreur au vulgaire qu'il en mourut aucuns de peur : les autres tombèrent malades. Ceste estrange

Comète dura vue heure et vn quart , et commença à se produire du costé du Soleil tenant , puis tira vers le Midy : elle apparoissoit cstre de longueur cxcessiue, et si estoit de couleur de sang: à la sommité d'icelle on vojoit la figure d'vii bras courbé, tenant vne grande espée en la main , comme s'il eust voulu frapper. Au bout de la pointcil y auoil trois estoiles : mais celle qui estoit droitement sur la pointe, estoit plus claire et luisante que les autres. Aux deux cosiés des rayons de ceste Comète, il se voyoit grand nombre de haches, couteaux, espées coulouréesde sang, parmy lesquelles il y auoit grand nombre délaces humaines hideuses, auec les barbes et cheueux hérissés.

losephe et Eusebe escriuent qu'après la passion de lesus-Christ , la misérable destruction de la ville de Hierusalem lut signifiée par plusieurs signes , et mesme entre les autres vne espouuentable comète en forme d'espée luisante en feu, laquelle apparut bien l'espace d'vn an sur le temple : comme demonstrant que l'ire diuine se vouloit vanger de la nation ludaïque , par feu , par sang, et par famine. Ce qui aduint, et y eut vne si calamiteuse famine, que les mères mangèrent leurs propres enfans : et périrent en la cité, du siège des Romains , plus de douze cens mille luifs , et en fut vendu plus de quatre vingts dix mille

Les comètes ne sont iamais apparues sans produire quelque mauuais effet, et laisser vn sinistre euenement. Le poëte Claudian :

1 Ce paragraphe , et tout ce qui suit jusqu'aux citations des Psaumes inclusivement, sont des additions de 1585.