CHAPITRE XI

DE LA LVXATION DE l'oS CLAVICV- LAIRE OV TVGVLAIRE.

L'os iugulaire se peut ployer , deloiier, et rompre. Il se desioint en deux manières : l'vne de contre le sternum, et l'autre de contre l'omoplate, à sçauoir , l'Acromium , qui est partie et aboutissement de son espine, contre lequel est appuyée et iointe la furcule. Toutesfois tant d'vn costé que d'autre la luxation de cest os est rare et difficile, pour la ferme adhérence et connexion qu'il a auec les parties susdites : et à grande difficulté l'extrémité qui adhère au sternum se peu l baisser en bas, à cause qu'elle est soustenue de la première coste.

Ladite luxation peut aduenir au dedans , et au dehors, et aux costés : et selon icelles différences il faut que le Chirurgien face la réduction, qui se fera en poussant et estendant le bras.

Et s'il est besoin on fera coucher le

3Go

LE QVATORZIÉME LIVRE.

patient à la renuerse, ayant l'espaule sur le cul d'une iatle , ou autre chose semblable , à fin que l'espaule et le thorax se courbent en dehors , pour puis après réduire mieux la luxation ou fracture : ce qui se fera en haussant, ou baissant, ou tirant le bras du, patient en auant, ou en arrière, selon le costé auquel sera faite la dislocation. Puis en poussant sur l'eminence dudit os , sera réduit en son lieu. Et conuient lier , et mettre compresses , et le tenir en repos , ainsi que s'il estoit rompu.

Galien sur le liure des Deloûeures d'Hippocrates * dit , luy estant en l'aage de trente-cinq ans , en s'exerçant dedans l'eschole publique , luy auoir esté desioint l'os de l'acromium d'auec l'os furculaire, si grandement, qu'entre Tacromium et l'os furculaire estoit interualle de trois doigts : et recite ceste deloiieure auoir esté guérie par vue si violente ligature , qu'il sentoit au dessous de l'os furculaire le battement des artères. Laquelle il porta par l'espace de quarante iours : et dit, que peu de malades veulent souffrir vne si grande compression, et si longuement comme il est nécessaire.

Or véritablement ceste luxation est difficile à connoistre , et encore plus à estre curée. le sçay qu'aucuns Chirurgiens s'y sont trompés, estimans que la teste de l'auant-bras estoit luxée. Car lors la sommité de l'espaule , appelée des Grecs Epomis^ se voit plus enflée, et le lieu d'où estoit sorti l'os furculaire , caue et enfoncé, auec douleur véhémente et grande tumeur, et le malade ne pouuant hausser le bras , ne faire autre mou-

» Des art. scct. 1. comm. sur la sent. 62. — A. P.

uement nécessaires de l'espaule. Et où l'os ne sera réduit , le malade demeurera impotent , et ne pourra iamais porter la main sur la teste ny à la bouche.