CHAPITRE L

HISTOIRE MEMORABLE DE lEAN WIER , DE LA MEMBRANE APPELLÉE HYMEN.

lean Wier , médecin du duc de Cleues , en son liure De l'imposture et tromperie des Diables , des enchantemens et sorcelleries ' , recite qu'il y avoit vne fille en Chaïnbourg, laquelle auoit vne taye f . rte et dure nommée Hymen , qui prohiboit que lorsque ses menstrues lui suruindrenl, ne peurent estre vacuées, à raison de l'empeschement de ces te membrane-:

et pour la régurgitation du sang qui remontoit en haut , auoit le ventre fort enflé et tendu , et auoit de grandes et extrêmes douleurs , comme si elle eust deu enfanter. Alors les matrones furent mandées , lesquelles la veirent auoir le ventre ainsi dur et tendu, et les douleurs si extrêmes, que d'vn commun accord disoient qu'elle esloit grosse d'enfant, encores que la pauure fille leur contredîst auecques grands sermens, et affermast n'auoir iamais eu connoissance d'hommes : et dit qu'il fut appellé, lors que les femmes ne luy pouuoient plus rien faire, et qu'elles en desesperoient , à raison des dou-

' Chap. 38. — A. P. — Ce livre, comm&il a été dit dans mon Introduction, avait été traduit en français par Grévia vers 1.668,.

ÇME LIVRE,

leurs insupportables , lesquelles auoient desia duré trois sepmaines sans luy donner repos ne iour ne nuit, auec quelque suppression d'vrine, veilles perpétuelles, et perte d'appétit, Promptement qu'il fut arriué, il reconnut la partie malade, où il tvouua l'orifice du col de la matrice clos et estoupé par vne laye, tellement qu'il n'en pouuoit rien ou peu sortir : et s'enquit de son aage, qui estoit de vingt et vn ans, et que iamais n'auoit eu ses fleurs : lors connut ceste tumeur ne procéder sinon d'vne subite descharge et fluxion de sang vers la région de l'vterus et vaisseaux d'iceluy : parquoy appella vn chirurgien, et luy commanda faire vne ouuerture à ladite taye, et peu à peu en sortit bien huit liures de sang coagulé, noir et ja commencé à se pourrir : et l'euacuation du sang faite, trois iours après fut du t0ru.t guarie.

Pour ceste cause ie conseilleray touiours aux pères et mères, qui auront la connoissance que leurs filles ayent ladite hymen, qu'ils la facent couper, s'il n'y auoit suffisante ouuerture à expurger leurs fleurs, pource que quelques-vnes pour semblable cause sont mortes, par faute que le sang menstruel n'auoit yssue.