LV: SIXIEME LlVllE

y applique emplastres astringentes auec brayers et ligatures , pour les repousser au dedans. Ce faisant, augmente la douleur, et engarde la descente du testicule.

Ce que n'agueres i'ay veu estant appelle pour telle cause : et après auoir conneu que dedans le scrotum il n'y auoit qu'vn seul testicule , le malade n'ayant iamais esté chastré, feis oster le brayer et emplastre qu'il portoit , et commanday au père qu'il le laissast courir et saulter, à fin d'aider au testicule à descendre en son lieu naturel : ce qui aduint petit-àpetit sans nul accident.

Car pour parler à la vérité de telle chose , faut se auoir que la différence du masle d'auec la femelle , n'est que chaleur, le propre de laquelle est de pousser dehors , comme du froid de retenir au dedans : de là vient que les testicules aux masles pendent dehors , aux femelles sont resserrés en l'enclos du bas ventre. Parquoy il aduient qu'en quelques masles, qui sont de plus froide nature, lesdits testicules demeurent cachés , iusques à ce que le feu de ieunesse vienne à les pousser hors.