JO

lATllODNCrjON

mes ( le voyant auoir ceste ferme opinion , et que ià aussi il auoit appelle autres Médecins, qui luy auoient faitplusieurs choses quineliiy auoient rien profité ) qu'on luy bailleroit du syrop violât , et qu'il en print trois ciieillerées deux heures deuant manger par l'espace de neuf iours, et que pour certain il guariroit : alors fut fort resiouy, et voulut auoir nostre ordonnance par escrit , ce qui luy fut refusé. Car où il l'eust eu , cela ne luy eust aucunement profité. L'Apoticaire luy donna ledit syrop en vue fiole, pensant estre vne excellente drogue pour luy oster sa poi.son. Et tout ainsi qu'il print opinion auoir esté empoisonné , aussi flt-il d'estre des-empoisonnë par ledit syrop. Vn mois après il retourna vers nous, pour nous rendre grâces du bénéfice qu'il auoit receu par nostre moyen : et estoit gaillard et bien ioyeux, ne sentant plus de douleurs, et nous fist part à chacim d"vn liéure.

Autre. Vn autre disoit qu'il auoit des grenouilles dans le ventre , et estoit impossible de luy pouuoir oster ceste opinion. Enfin il y eut vn Médecin qui luy promit luy faire ietter , par le moyen d'vn clystere , lesdites grenouilles hors de son ventre. Ayant pris le clystere , ainsi qu'il le rendoit , par derrière de sa chaise percée il fist couler cinq ou six petites grenouilles , lesquelles n'ayant accoustumé viure en tels marests, commencèrent à sauteller par la place. Le malade par opinion fut bien ioyeux de voir lesdites grenouilles , et perdit ceste folle fantaisie.

Autre. Vn Gentilhomme de bonne part auoit opinion auoir la ceruelle ppurrie. Il s'en alla prier le Roy , qu'il

luy pleust commander à monsieur le Grand , Médecin , à monsieur Pigray , Chirurgien ordinaire du Roy , et à moy, de luy couper le test et oster son cerneau , disant estre pourri , et luy en remettre d'autre : nous luy fismes beaucoup de choses , mais il nous fut impossible luy raccoustrer sa ceruelle.

Autre. l'ay veu vn homme estimant auoir la grosse verolle : et ne poiuiant gaigner sur luy par toutes remonstrances nel'auoir point, il me dit qu'où ie ne le penserois comme il desiroit , qu'il s'en iroit à vn autre pour se faire frotter. Le voyant en telle volonté , de peur qu'il ne tombast en quelque méchante main qui l'eus! possible frotté à bon escient , ie luy accorday qu'il seroit frotté comme ceux qu'on guarit de la A^erolle. le pris vne liuure de beurre, battu en vn mortier de plomb , pour auoir la couleur de l'vnguent auquel entre le vif-argent. Il fut frotté dudit beurre, et sua par trois diuerses matinées , et chacun iour se disoit allégé de ses douleurs. Ainsi il fut guari par opinion, sans nulle offense de son corps.

On dit y en auoir eu d'autres , qui opiniastrement se persuadoient auoir des cornes , de sorte que telle fantasie ne leur a peu estre arrachée de leur melancholiiue et bizarre cerueau , iusqu'à tant que leurs yeux estans bandés , on leur eust esgratigné le front de costé et d'autre auec des cornes de bœuf , à ce que par l'effusion douloureuse de leur propre sang, ils se persuadassent telles cornes leur auoir esté arrachées de fait et de force. Il y a plusieurs autres histoires semblables , que ie délaisse à cause de briefueté.

A LA riIlRVnGIF.

loi