PROGNOSTIC
On ne se peut bien garder de la morsure des chiens enragés , attendu qu'ils sont tousiours parmy les hommes, au moyen de quoy on est en plus grand danger d'eux que de toutes autres bestes venimeuses en leurs morsures. Et d'autant que le cliien est domestique et familier à l'homme pendant qu'il est sain, d'autant luy est-il ennemy depuis qu'il est sorti de sa nature accoustumée, qui se fait par vne rage.
Or le virus qui est en sa baue est chaud et sec , malin , vénéneux et contagieux, tellement qu"il communique la mesme affection à celuy qu'il mord (si on n'y pouruoit de bonne heure ) soit vn homme , ou vne autre besle : et son venin est tant subtil , que facilement pénètre par les pores du cuir : et estant attiré par les artères, par le continuel mouuement d'icelles, il est conduit au demeurant du corps. Parquoy on peut conclure que le venin de sa rage a la vertu non seulement de faire enrager ceux qu'il mord, mais aussi ceux ausquels il aura ietté son escume ou baue contre leur peau , si elle y fait long seiour : mais si elle est essuyée, et le lieu proprement laué d'eau salée ou d'vrine, elle n'y fera aucun mal.
Et faut icy entendre, que toute morsure de chien enragé ne nuit pas également et ne tue pas en mesme temps , ainsi qu'auons cy dessus demonslré du venin des bestes venimeu-
1 Le cliapilre est le même , sauf un pam graphe ajouté, que le chap. 9 de U^""^-
DES VENI.NS
ses. Car selon la disposition de l'air chaud ou froid et la véhémence du venin, et le lieu et profondeur de la morsure, et la diuersilé des foices de ceux qui sont mordus, et la cacochymie et mauuaise habitude, c'est à dire selon que leurs humeurs sont ja préparés à estre pourris, ou qu'ils ont leurs conduits estroits ou plus larges, de là vient que les accidens apparoissent pluslost ou plus tard. Car aucuns viennent quarante iours après la morsure , autresfois six mois, voire vn an, et autres plus tard ou pluslost , comme nous auons dit cy deliant. Plusieurs après auoir esté mords deuiennent epileptiqiies , puis démoniaques et enragés. Ceux qui sont tombés en hydrophobie , iamais ne guarissent : toutesfuis Auicenne dit qu'encores y a espérance , pourueu qu'ils se connoissent en vn miroir : car on voit par cela que le venin n'a encores du tout occupé les facultés animales : et ceux-là ont besoin d' estre violentement purgés , comme nous dirons cy après.
Aéce raconte d'vn Philosophe mordu d'vn chien enragé, lequel voulant d'vn grand courage résister à ce mal dhydrophobie, vint au bain , où l'ap parence d'vn chien se présentant deuant luy (car il auoit ceste vision, comme les autres frappés de sembla ble maladie) et ayant longuement pensé en soy-mesme : Qu'y a-il, ditil , entre vn chien et vn hain ? Après ces paroles il entra dédans le bain , et en beut sans auoir peur, dontil surmonta le mal et guarit'.
Quand le malade se veautre contre la terre, comme les chiens , c'est signe de mort prochaine, par-ce que telle chose demonstre que l'humeur
' Ce paragraphe a él6 ajouté en 1579.
melancholique, virulent et vénéneux est en grande abondance , et est communiqué par tous les membres. Aussi quand le patient a la voix enroiièe, c'est vn tres-mauuais signe, pour-ce que telle chose demonstre qu'en la trachée artère il y a quelque aspérité par siccité du virus venimeux. En somme, quand les parties nobles sont saisies du venin , il n'y a plus espérance de guarison.
Les hommes peuuent estre surpris do la rage sans estre mords de chiens enragés : car tout ainsi que les humeurs se bruslent, causans vn chancre ou ladrerie , pareillement la rage peut aduenir , et principalement aux melancholiques.
D'auantage les morsures des bestes , comme vipères et autres animaux venimeux, ne causent tels accidens comme celles des chiens enragés , par-ce qu'elles font mourir deuant que les accidens susdits puissent venir : ioint aussi que la qualité d'iceux venins est diuerse.
Plus, les grandes playes faites par morsure de chiens enragés ne sont si dangereuses que les petites, pour-ce que par vue grande playe sort beaucoup de sang et desanie, qui euacue le venin.
