CHAPITRE XX

CVRE DE LA MORSVRIi; d'VN CHIEN ENRAGÉ *.

Nous auons dit par cy deuant , qu'aux piqueures et morsures des bestes venimeuses, il falloit vser de

1 Ce chapitre est pre.Hiiicenlièremciit copié du chap. 10 de l'édilioii de Volb.

3io

LE VINGT-TROISIEME LIVKE

prompls et subtils remèdes , à fin que le venin n'entre dedans le corps et n(! corrompe les parties nobles. Et s'ils sont obmis au commencement, en vain seront appliqués en autre temps.

Ainsi qn'aiTiua à Balde, {^rand lurisconsulle, se iotiant aucc vn sien petit chien qui estoit enragé, duquel estant tant soit peu mordu en la léure , ne soaciiant qu'il lust enragé , négligea sa morsure, et quatre mois après mourut furieux et enragé, et n'y eut nul remède qui le peustsauuer , pour ne l'auoir pris d'heure.

Donc pour preuoir à tel accident , tout ce que nous auons déclaré cy dessus en la cure générale des bestes venimeuses, tant pour l'euacualion de l'humeur virulent que pour l'altération d'iceluy , doit estre pareillement obserué en la morsure des chiens enragés. Et partant, si quelqu'vn connoist qu'il est mords d'vn chieu enragé, il s'efTorcera d'attirer le venin par tous moyens, comme par ventouses, cornets, scarifications, sangsues, applications de volailles et autres animaux , et par medicamens propres à ce faire , qui présentement seront déclarés. Et si la playe est grande , il la faut laisser saigner le plus qu'il sera possible, afin que le venin sorte auec le sang. Et là où elle ne sera assez grande, on y pourra faire des scarifications ou y appliquer cautères actuels : et sera tenue ouuerte pour le moins iusques à ce que quarante iours soient passés.

L'ozeille pilée et appliquée sur la morsure, et le bouillon d'icelle pris par la bouche, est de grande vertu.

Ce quWéce nous a laissé par escrit, disant auoir conneii vn vieillard chirurgien, lequel n'vsoit d'autre remède pour curer telles morsures.

De ma part, le conseille de prendre

promptement de l'vrine, et en frotter assez rudement la playe , et y laisser vn linge trempé dessus. Aussi la moustarde bien délayée en vrine ou vinaigre , est propre à cest effet. Pareillement tous remèdes acres, poignans et fort atlirans.

Autre. Prenez roquette boullue et pilée auec beurre et sel, et l'appliquez sur la morsure.

Attire. Prenez farine d'orobe, miel, sel et vinaigre, et ce soit tout chaud appliqué dessus.

Autre. La fiente de chéure boullue en fort vinaigre , et appliquée.

Aiiire. Prenez soulphre Subtilement puluerisé et incorporé auec saliue d'homme, et l'appliquez dessus.

Autre. Prenez poix noire fondue auec sel et vn peu d'euphorbe , et l'appliquez dessus.

Autre. Le poil du chien enragé ap pliqué dessus la playe tout seul, a vertu d'attirer le venin par quelque similitude : ce qu'on a plusieurs fois expérimenté , ainsi que fait le scorpion estant escaché et mis sur la piqueure d'iceluy. Aucuns autheurs ont laissé par escrit , que ledit poil de chien , bruslé et puluerisé , et donné à boire auec du vin, preserue la rage K

Autre. Prenez froment masché cru , et l'appliquez sur la morsure.

Autre. Prenez des feues , et les mettez vu peu sous les cendres chaudes , puis les pelez et fendez , et les appliquez dessus.

Autre remède appromtè d'Aëtius.

Il faut faire boiiillir du lapalhum acutum , et de la décoction en lauerel fomenter la piaye , puis y laisser l'Jierbe pilée dessus : aussi en faut donner à boire de la décoction au pa-

1 Cette dernière phrase a été ajoutée en

DES VENINS

3lT

tient. Il afferme aiioir fait de g:raTicles cures auec ce seul remède : et dit que ceste décoction fait beaucoup pisser, qui est vne chose excellente à ceste maladie.

Autre. Prenez beloine, fueilles d'ortie et sel commun , broyez-les et appliquez dessus.

Autre. Prenez vu oignon commun , fueilles de rue et sel , broyez les ensemble , et appliquez dessus.

Or entre tous les remèdes , le theriaque est singulier , comme il a esté dit , le faisant dissoudre en eau de vie ou vin , et en frottant assez rudement la playe, tant que elle saigne. Puis y faut laisser du charpy imbu en icelle mixtion : et par dessus la playe y appliquer des ails ou oignons piles auec miel commun et térébenthine • et tel remède est excellent par sus tous ceux quel'ay veus par expérience.

Et pour la probation de mon dire , i'allegueray icy vne histoire de l'vne des filles de Madamoisello de Gron , natiue de ceste ville de Paris, laquelle fut mordue d'vn chien enragé au milieu de la iambe dextre , où le chien imprima ses dents bien profondement en la chair : laquelle fut guarie parle moyen du theriaque , sans queiamais luy suruint aucun mauuais accident :

lequel theriaque ie meslois dans les medicamens détersifs et autres, iusques à la liu de sa guarison.

Or de vouloir icy déclarer tous les autres que i'ay pensé de telles morsures, ce seroit vne chose trop prolixe : et partant ceste histoire suflira pour le présent, pour instruire chacun à remédier à tel accident.

Autres remèdes qu'on peut prendre par dedans. Il faut promptement manger vn ail, auec vn peu de pain, puis boire vn peu de vin : et c'est vn souuerain remède , à cause que Podeur

et la grande chaleur spiritueuso qui est aux ails , prohibe que le venin de la morsure n'offense les jiarties nobles. Autres commandent de manger du foye rosli du chien qui a mordu, ou du foye de bouc : ce que ie n'ay esprouué.

Autre remède. Prenez vne dragme de semence d'agnus castus, auec vin et beurre, et en soit donné à boire.

Autre. Prenez poudre d'escreuisscs bruslées, et la délayez en vin , et en donnez à boire.

Autre. Prenez racine de gentiane deux dragmes, escreuïsses de riuiero bruslées au four et puluorisées trois dragmes, terre sigillée quatre dragmes. La dose sera vne dragme, auec eau en laquelle on aura fait boiiillir quantité d'escreuisses, et en soit donné à boire comme dessus.

Aucuns se sont plongés en la mer après estre mords de chiens enragés, qui n'ont laissé d'eslro surpris de la rage, ainsi que tesmoigne Fcrrand Pouzet, cardinal, en son liure dfs Venins : partant ne s'y faut fier, mais plustost aux remèdes approuués des anciens et modernes Médecins et Chirurgiens. Il est vray que la confidence que peut auoirlemalade aux remèdes et au Chirurgien, sert beaucoup en ceste cure : au contraire , relTi oy et la crainte nuit beaucoup, et accélère la rage. Partant il faut tousiours bien asseurer le patient de sa parfaite guarison.

Or il faut entendre que le venin du chien enragé , ou la saliue d'vne vipère, ou la baue d"vn crapaut, et d'autres bestes venimeuses, n'enueniment pas en touchant seulement, mais finit que le venin entre dedans, tellement que si à l'heure on Tessuye, ne pourra faire aucun mal.

3lQ

LE VlNGT-TïlOISI]^ME LIVRE ,