DV SERPENT APPELE COVLE-SANG

Le Coule-sang- a esté ainsi appelle, pour autant que le sang coule par tous les conduits du corps qui en a esté mordu. C'est vn petit serpent comme vne vipère, ayant les yeux fort ardans, et sa peau fort luisanle.

Auicenne dit qu'il a le dos marqueté de taches noires et blanches, et le col fort eslroit, et la queue fort menue.

Les accidens qui suiuent sa morsure,c'est que la partie dénient noire, à cause que la chaleur naturelle est esteinte par la malice du venin , lequel luy est ennemy mortel, puis vn mal de Testomach et du cœur qui facilement se ressentent du venin, ennemy capital desdiles parties, et principalement en maladie vénéneuse :

ainsi que nous voyons aduenir en la peste, laquelle est suiuie incontinent par les vomissemens, qui ne se font pour autre cause que pour la mauuaise disposition quiis sentent. Il s'ensuit aussi grand flux de ventre , qui se fait tant à cause de l'estomach débile, qui ne peut faire son dcuoir, que pour autant que les veines esparses par les intestins laissent couler le sang, lequel meslé par les viandes non digérées, est cause de ce flux de ventre. Et d'auantage le sang sort par le nez, par la bouche, oreilles, siège, par la verge, vulue , et par les coins des yeux , et des genciues , lesquelles se pourrissent, et les dents tombent.

D'abondant vne difliculté d'viiner et respiier, conuulsion VDiuerselle,puis la mort.

Les remèdes sont de scarifier promp-

CIIAPITRE XXV.