CHAPITRE XXIV

d'vne cagnardiere feignant estre malade dv mal sainct fiacre , et lvy sortoit dv cvl vn long et gros royav , fait par artifice.

Monsieur Flecellc , Docteur en la faculté de Médecine, homme stjauant

DES MONSTIIES ET PRODIGES

et bien expérimenté S me pria vn iour l'accompagner au village de Çlianipigny, deux lieues près de Paris, où il auoit vne petite maison. Où estant arriué, ce pendant qu'il sepromenoit en sa cour, vint vne grosse garce , en bon poinct, luy demandant l'aumosne en l'honneur de monsieur sainct Fiacre^ leuant sa cotte et chemise, monstrant vn gros boyau de longueur d'vn demy pied et plus qui luy sortoit du cul , duquel decouloit vne liqueur semblable à de la boue d'aposteme, qui lui auoit teint et barbouillé toutes ses cuisses, ensemble sa chemise deuant et derrière, de façon que cela estoit fort vilain et deshonneste à voir. L'ayant inlerroguée combien il y auoit de temps quelle auoit ce mal, luy fit response qu'il y auoit enuiron quatre ans : alors ledit Fleceile contemplant le visage et l'habitude de tout son corps , conneut qu'il estoit impossible ( estant ainsi grasse et fessue ) qu'il peust sortir telle quantité d'excremens , qu'elle ne deuint emaciée , seiche et hectique : et alors d'vn plein saut se iettade grande cholere sus ceste garce , luy donnant plusieurs coups de pied sous le ventre , tellement qu'il l'atterra , et luy fit sortir le boyau hors de son siège, auec son et bruit, et autre chose : et la contraignit luy déclarer l'imposture : ce qu'elle fit , disant que c'estoit un boyau de bœuf noiié en deux lieux, dont l'vn des nœuds estoit dans le cul , et ledit boyau estoit rempli de sang et de laict meslés

1 II s'agit de l'auteur de l'Introduction à la Chirurgie, à qui Paré a fait de notables emprunts pour sa propre Introduction.

ensemble, auquel auoit fait plusieurs trous , à fin que ceste mixtion decoulast. Et de rechef connoissant ceste imposture , luy donna plusieurs autres coups de pied dessus le ventre, de sorte qu'elle feignoit estre morte- Lors estant entré en sa maison pour appeller quelqu'vn de ses gens , feignant enuoyer quérir des sergens pour la constituer prisonnière : elle voyant la porte de la cour ouuerte , se leua subit en sursaut , ainsi que si elle n'eust point esté battue, et se pript à courir, et iamais plus ne fut veuë audit Champigny.

Et encore de fraische mémoire vint vne vilaine cagnardiere , priant messieurs du Bureau des pauures de Paris qu'elle fust mise à l'aumosne , disant que par vn mauuais enfantement sa matrice luy estoit tombée, qui estoit cause qu'elle ne pouuoit gaigner sa vie. Alors messieurs la féirent visiter par les Chirurgiens commis à ceste charge, et trouuerent que c'estoit vne vessie de bœuf, qui estoit demie pleine de vent, et barbouillée de sang , ayant attaché le col d'icelle vessie profondément au conduit de sa matrice bien proprement , par le moyen d'une esponge qu'elle auoit mise à l'extremilé d'icelle vessie, laquelle estant imbuë s'enfle et grossit, qui estoit cause de la faire tenir, de façon qu'on ne luy pouuoit tirer que par force : et ainsi marchoit sans que ladite vessie peust tomber. Ayant descouuert l'imposture , messieurs la feirent constituer prisonnière : et ne sortit des prisons que premièrement le bourreau n'eust bien carillonné sus son dos , et après fut bannie à iamais hors de la ville de Paris.

LE DIX-NEVFIEME LIVRE