CHAPITRE IX
DE DIABETES ET STRANUVISIE 2.
Apres auoir descrit les causes de la rétention d'vrine , et des vlceres des reins et de la vessie : ie ne puis encores passer, que ie ne déclare aucunement les causes de ietter l'vrine inuolontairement goutte-à-goutte, ou lout à l'instant que le malade aura beu : qui vient par le défaut de la
» Deux trebeaux; le latin dit : drarjmis duabus.
2 Le chapitre 9 du Livre de la .suppression d'vrine en 1564, portait le même titre, mais il ne comprenait que le premier paragraphe de celui-ci. I/obscrvation de Goyet a été ajoutée en 1575.
vertu relentrice, et d'vne depraualion de la vertu expultrice. Si l'vrine esl iettée en grande quantité, les anciens rappellent diabètes : et si elle est ieltée seulement goutte à-goutte, telle disposition est nommée slrangurie : qui est vne inuolontairc émission d'vrine , fréquente , en petite quantité : aucunes fois auec douleur, et autresfois sans douleur.
I'ay souuenance auoir traité auec monsieur Houlier, médecin 1res docte, défunt monsieur Goyet, aduoeat du roy au Chastelet de Paris, lequel auoit vne difficulté de retenir son vrine, dite strangurie, et pissotoit ordinairement tant le iour que la nuit, auec très grandes douleurs, se plaignant sentir grande chaleur et cuison à la vessie, et à l'extrémité de la verge, et iettant ses vrines lactueuses, et à la fin de l'vrine, du pus. On luy fit beaucoup de remèdes : et pour luy appaiser la douleur, ie luy faisais par l'aduïs dudit Houlier, des iniections auec eau de plantain , centinodium, ausquelles estoit dissout de la craye et terre sigillée : autresfois ie luy faisois des iniections faites de mucilages de coings et de psyllium auec l'eau de plantain et de rose, lesquels remèdes lendoient à fin de rafreschir l'intempérie de la vessie , et desseicher les vlceres. Deuisant auec ledit Houlier, pour sçauoir la cause des susdits accidens, il me dit que Goyet auoit la vessie rongneuse et teigneuse, auec petites vlceres, et lors que l'vrine tomboit à la vessie, elle mordiquoit les vlceres : qui faisoit que la faculté expultrice la vouloil promptement ietter : et que le pus qu'il iettoit apres l'vrine venoit de la rongne qui estoit à la vessie, pour la compression qu'elle faisoit à ietter icelle vrine.
OPERATIONS DE CHIRVRGIE.
5ll
Ledit Goyet estant deccdé, ie fis ouuerture de son corps à la présence dudit Houlier, et tromiasmcs la vessie toute calleuse, et pleine de pustules de grosseur d'vn petit pois : et lorsque ie les comprimois, en sorloit du pus tout blanc, tel que celuy qui esloit ietté auec les vrines pendant sa vie.
