DE LA FAÇON D'EMBAVMER LES CORPS MORTS

l'ay bien voulu adiouster à cest OEuuie ce petit enseignement d'embaumer les corps morts , pour le ieune Chirurgien , à fin qu'il fust accompli de tout ce qui est à faire enuiron le corps humain, tant vif que mort*.

Car bien à peine s'est il trouué nation, tant barbare fust elie , qui n'ait eu soin d'embaumer les corps, non pas mesme les Scythes, qui semblent en barbarie auoir surpassé le reste des hommes. Car iceux, comme raconte Hérodote liure quatrième de son Histoire, n'enterrent point le corps de leur Roy , que premièrement ils ne rayent mis en cire , après auoir curé le ventre et nettoyé , puis rempli de cyprès concassé, d'encens, de graine de persil, et d'anis, et en après recousu. De cesle mesme chose les Ethiopiens se sont monstres curieux, faisans leurs sépultures de verre en ceste sorte : après qu'ils auoient vidé et deschai né les corps de leurs amis defuncls , ils les accoustroient et liçoient de piastre, sur lequel ils ieltoient après vue peinture qui approchoit le vif tant qu'il leur estoit possible. Et ce fait , ils enfermoicnt le corps ainsi peint et piastre dans vne colonne de verre creux :1e corps

1 Tout ce qu'on va lire jusqu'au paragraphe. Or pour embaumer, etc., a été depuis répété à satiété par Paré dans son Discours de la Mumie et dans la Préface de ce Discours, voyez ci-devant pag. 470 et 476; mais du moins en retrouvons-nous ici la première origine en i575.

ainsi enchâssé paroissoit au trauersle verre, sans rendre mauuaise odeur, et sans desagreer aucunement , encores qu'on n'y conneust qu'vne peinture morte. Les plus proches parens le gardoicnt chez eux l'espace d'vn an, en luy faisant offrandes et sacrifices, et au bout de l'an le transportoient et alloient planter es enuirons de la ville , comme escrit Hérodote liure troisième.

Mais ce soin et curiosité est entré plus auant dans le cœur des Egyptiens, que d'aucune autre nation ^ Dont ils ont mérité grande loiiange, s'esiant montrés tant affectionnés à la mémoire de leurs pères, que pour la conseruation d'icelle ils estoient coustumiers d'embaumer les corps entiers d'iceux en vaisseaux de verre, diaphanes et transparans, et les mettre en lieu le plushonnorableet eminent de leurs maisons, pour en auoir la mémoire tousiours représentée deuant les yeux, et leurseruir daiguillon et siimule domestique, pour ensuiure et imiter les bonnes parties et vertus d'iceux, à fin de ne dégénérer etforligner de leur naturel et bonne inclination. Et d'auantage seruoient iceux corps ainsi embaumés de souuerains gages et asseurance de leur foy : si bien que s'il estoit aduenu qu'aucun Egyptien eust affaire de quelque gro.'^se somme d'argent, il ne failloit point de la trouuer à emprun-

1 Tout le reste de ce paragraphe a été ajouté en 1579.