DE LA FAÇON D EMCAVMEU I-ES CORPS MORTS

ter vers sos voisins , sur le gage d'vn corps de l'vn de ses ayeulx : se tenans tous asseurés les créditeurs , que moyennant tel gage le débiteur manqueroit plustost de vie que de foy , tant ils auoient à cœur de retirer tel gage. Et si la fortune faisoit, et le malheur fust si grand, qu'aucun s'oubliast de tant en ses nécessités que de ne vouloir ou sçauoir trouuer moyen de retirer son gage, il tomboit en tel deshonneur et infamie, qu'il n'eust pas esté bon à manger aux chiens, et ne se fust osé monstrer en public : car on luy faisoit la huée , comme l'on fait à vn loup ou chien enragé , et de liberté tomboit en ignominieuse ser uitude, comme ayant desauoiié et renoncé sa race et origine. Ce qui est tesmoigné par Claude Paradin , en la Préface du liure qu'il a fait des Alliances généalogiques des Roys et Princes de Gaule.

D'auantage comme escrit Hérodote, iceux Egyptiens reconnoissans ceste vie estre de peu de durée, au regard de celle que nous auons à viure après la séparation du corps d'auec Tame, estoient fort negligens à bastir maisons pour eux loger, mais au reste si magnifiques à édifier Pyramides, desquelles ils se vouloient seruir pour leurs sépultures, que pour le bastiment d'vnc qui fut entreprise par Cheopés l'vn de leuis Roys, trauailloient cent mille hommes l'espace de chacun trois mois par le temps de vingt ans: laquelle auoit de profondeur cinq stades , et estant de forme quarrée, auoil en chacun front huit cens pieds de large, et autant de haut, estant chacune pierre le plus ordinairement de trente pieds, fort bien ouurée , comme raconte Hérodote liure 2. Or deuant qu'enfermer les corps dans ces tant superbes sepulchres, ils

lesportoieot auec pompe magnifique vers les salleurs et embaumeurs , qui estoient offices bien salariés du peuple. Us l'embaumoienl de drogues aromatiques, puis ils cousoient les incisions et refermoient le tout : cela fait , ils salloient très-bien le corps , et couuroient le salloir iusques à soixante et dix iours : lesquels reuolus, ils retournoient prendre le corps, lequel laué et nettoyé, le lioienl de bandes faites d'vn drap de soye, collées auec certaine gomme : alors les parens reprenoient le corps , et luy faisoient faire vn estuy de bois moullé en effigie d'homme, dans lequel ils l'estuyoicnt : et voila comment ils embaumoient les riches. De ceste mesme curiosité nos François esmeus et incités, font pour la plus part embaumer les corps des Roys et grands Seigneurs : Ce que chresliennement, comme toute autre chose, ils ont euidemment tiré tant du nouueau que du vieil Testament , et façon ancienne de faire des luifs : car il est dit au nouueau Testament *, queloseph acheta vn linceul, et que Nicodeme apporta vue mixtion de myrrhe et d'aloés, iusqu'au poids enuiron de cent liures, de laquelle auec autres odeurs aromatiques ils embaumèrent et enseuelirent le corps de Iesvs CiinisT (comme la couslume des luifs estoil d'enseuelir leurs morts embaumés, qui estoit signe de ceste incorruption qu'ils esperoient en la resurreclion des Morts) ce que mesme depuis eux voulurent faire les Maries.

Ce qu'ils auoient appris de leurs pères anciens: car losepli au vieil Testament commanda à ses Médecins d'embaumer son père 2.

» S. lean , 20. 39. — A. P.

« Gènes. 50. 2. — A. P.

Or pour bien embaumer vn corps , premièrement il faut vuider tous Irs entrailles et viscères : reseruant le cœur parliculierement , à fin de l'embaumer et mettre à part, ainsi qu'il sera aduisé par les amis du defunct :

il faudra pareillement vuider le cerueau , après auoir coupé le crâne , ainsi qu'on fait es dissections et anatomies. Ce fait, il faut faire des incisions profondes et long-ues es bras , dos, fesses, cuisses, iambes, et principalement à l'endroit des grandes veines et artères, à fin d'en faire sortir le sang qui se corromproit , et pareillement aussi d'y plonger des poudres :

cela fait,iifautexactement lauer tout le corps auec vue esponge imbue d'eau de vie et fort vinaigre, dans lequel auront bouilli absinthe, aloé, pommes de coloquintes, et sel commun et alum: en après faudra remplir lesdites incisions et toutes les ouuertures, et les trois ventres, des choses qui s'ensuiuent, assez grossement puluerisées.

:^. Pul. rosat. camomil. melil. balsami, menlhœ, aiieth. saiuiaî, lauand. roris.

maior. lliymi , absintli. cyperi, calam.

aromat. geiu. ireos Flor. assœ odoratœ, caryophyl. nue. mosc. cinamo. slorac.

calam. benioin, myrrha;, aloës, sandal.

omnium.

En après les incisions seront cousues : puis faut oindre tout le corps de térébenthine liquéfiée auec huile de camomille et de rose, y adioustant, si bon semble, huiles aromatiques, tirées par quinte-essence : puis au reste sera en tout saupoudré auec portion des poudres dessus dites : en fin sera enueloppé d'vn linceul, et après de toile cirée, et pour fin de tout l'appareil , sera mis en un cercueil de plomb bien ioint et soudé, rempli de bonnes herbes aromatiques

LE VINGT-SEPTIEMB LIVRE

seiches. Et si le Chirurgien estoit en quelque lieu où il ne peust recouurir les susdites poudres, comme en quelque place assiégée, il se contentera des suiuantes.

'if. Calcis ext. ciner. communis aut querc.

Au reste, le corps estant en tout et par loullauéde vinaigre, ou de lexiue en lieu de vinaigre, telles choses conserueront le corps vne bonne espace de temps, pourueu que ne soit en temps de grande chaleur, et qu'il ne soil silu(î en lieu chaud et humide : ce quei'ay fait quelquesfois.

Qui est cause qu'à présent les Roys, Princes, et grands Seigneurs n'estans bien embaumés, et vuidés, et laués d'eau de vie et de vinaigre , et saupoudrés de choses grandement aromatiques , neantmoins tout cela, en cinq ou six iours, plus ou moins, sentent si mal qu'on ne peut endurer eslre au lieu où ils sont, et est-on contraint les enfermer en plomb. Cela adulent par-ce qu'ils ne sont longuement gardés en saumure auec lesdites choses aromatiques, comme anciennement on faisoit, et aussi par la grande multitude de gens qui entrent pour les voir, et le grand nombre de torches et luminaires estans iour et nuit : cela eschauffe si fort l'air, que le corps n'ayant esté imbu de choses qui gardent la pourriture , cela fait qu'en peu de iours se corrompent et pourrissent, et de leur pourriture s'esleue vne vapeur puante et cadauereuse , qui offense grandement ceux qui la sentent '.

Parquoy ma façon de bien et deuëment embaumer et garder les corps

1 Ce paragraphe a été ajouté en 1579; en 1575 le suivant commençait tout simplement : Or ma façon, etC.