VOYAGE DE CHASTEAV LE COMTE
Quelque temps après, le Roy Henry fit louer vne armée de trente mille hommes , pour aller faire degast à l'entour de Hedin.Le Roy de Nauarre, qu'on appelloit pour lors monsieur de Vendosrae , estoit chef de l'armée , et Lieutenant du Roy. Estant à S. Denys en France , attendant que les compagnies passoient, m'enuoya quérir à Paris pour aller parler à luy. Estant là , me pria ( sa prière ra'esloit commandement) de le vouloir soiure à ce voyage : et voulant faire mes excuses, disant que ma femme estoit au lit malade , me fit rosponse qu'il y auoit des Médecins à Paris pour la traiter, et qu'il laissoit bien la sienne, qui estoit d'aussi bonne maison que la mienne, me promettant qu'il me traileroit bien : et des lors fit commandement que fusse couché en son estât. Voyant cesle grande affection qu'il auoit de me mener auec luy, ie ne l'osay refuser.
le l'allay trouuer au Chasleau le Comte , trois ou quatre lieues prés de Hedin , là où il y auoit des Impériaux soldats en garnison auec nombre de paysans d'alentour. Il les fit sommer de leur rendre : ils firent rosponse qu'il ne les auroit iamais que par pieces , et qu'ils fissent du pis qu'ils pourroient, et euxferoient du mieux à se défendre. Ils se fioient en leurs
fossés qui estoient pleins d*eau : et en deux heures, auec grand nombre de fascines et certains tonneaux , on fit chemin pour passer les gens de pied, quand il faudroit aller à l'assaut: et furent battus de cinq canons, et fit on brèche aucunement suffisante pour y entrer : où ceux ue dedans receurent l'assaut bien viuement,et ne fut sans tuer et blesser grand nombre de nos gens de coups d'harquebuses, de piques, et de pierres. En fin quand iis se virent forcés, ils niirent le feu en leurs poudres et munitions, qui fut cause de brusler beaucoup de nos gens, et d'entr'eux semblablement , et furent presque tous mis au fil de l'espée. Toutesiois quelques - vns de nos soldats en auoient pris vingt ou trente , esperans en auoir rançon. Cela fut sceu , et arreslé par le conseil qu'il seroit crié à son de trompe parmy le camp, que tous soldats qui auoient des Espagnols prisonniers eussent à les tuer , sur peine d'estre pondus et estranglés. Ce qui fut fait de sangfroid.
Delà nous nous en allasmes brusler plusieurs villages, dont les granges estoient toutes pleines de grain , à mon très-grand regret. Nous nous en allasmes iusques à Tournahan , où il y auoit vue bien grosse tour, où les ennemis se retiroient , mais il n'y fut trouué personne : tout fut pillé, et fit-on sauter la tour par vne mine , auec la poudre à canon , qui la renuersa s'endessus-dessous. Après cela, le camp se rompit, et m'en retournay à Paris.
le ne veux encore oublier à escrire, que le lendemain que Chasleau le Comte fut pris , monsieur de Vendosme enuoya vn gentil- homme signalé deuers le Roy, pour luy faire
APOLOGIE
rapport de tout ce qui estoit passé: et entre autres propos disl au Roy, que i'auois grandement fait mon deuoir à penser les blessés , et que ie luy auois monstre dixliuit balles que i'auois tirées des corps des blessés : et quil y en auoit encore bien d'auantage que ie n'auois pas pu Irouuerni tirer, et luy dist plus de bien de moy, qu'il n'y en auoit la moitié. Alors le Roy dist qu'il vouloit que ie fusse à son seruice, el commanda à monsieur du Goguier , son premier Médecin, qu'il eust à m'escrire qu'il me retenoit à son seruice pour l'vn de ses Chirurgiens ordinaires , et que ie l'allasse Irouuerà Reims dedans dix ou douze iours. Ce que ie fis : là où il me fit cest honneur de me commander que i'eusse à demeurer auprès de luy, et qu'il me feroit du bien. Alors ie le remerciay bien humblement de l'honneur qu'il luy piaisoit me laire de m'appeler à son seruice.
