DV TAVREAV DE LA FLORIDE

Il se trouue es Indes plusieurs sortes d'animaux ayans vne seule corne, comme vaches et taureaux, chenaux, asnes, chéures, daims, monoceros :

autres ayans deux cornes, et plus. Et pour la renommée des vertus que Ton attribue à la licorne , il est vraysemblable que chacune nation se plaist à luy donner le nom deLicorne, comme auons dit cy dessus.

Theuet tome 2, liure 23, chapilre 2, dit qu'en la Floride se trouuent de grands taureaux, que les saunages appellent Bnirol, qui ont les cornes longues seulement d'vn pied, ayans sur le dos vne tumeur ou bosse comme d'vn chameau, le poil long par dessus le dos, de couleur faune, la queue comme celle d'vn Lion. Cest animal est des plus farouches qu'on sçache trouuer, à cause dequoy iamais ne se laisse appriuoiser, s'il n'est desrobé et raui petit à sa mère. Les saunages se seruent de leur peau contre le froid : et sont ses cornes fort estimées, pour la propriété qu'elles ont contre le venin : et partant les Barbares en gardent , à fin d'obuier aux poisons et vermines qu'ils rencontrent allans par pays K