Considérer que

car vous voyez, monsieur, vert et sec*, tout ce qui m'en est venu entre mains, sans chois et sans triage, en manière qu'il y en a de ceux mesmes de son enfance. Somme^, il semble qu'il ne s'enmeslast, que pour dire qu'il estoit capable de tout faire : car au reste, mille et mille fois, voire en ses propos ordinaires , avons nous veu partir de luy choses plus dignes d'estre sceues, plus dignes d'estre admirées.

Voylà, monsieur, ce que la raison et l'affection, joinctes ensemble par un rare rencontre* , me commandent vous dire de ce grand homme de bien ; et si la privante que j'ay prinse de m'en adresser à vous, et de vous en entretenir si longuement , vous offense, il vous souviendra, s'il vous plaist, que le principal effect de la grandeur et de l'eminence , c'est de vous jecter en butte à l'importunité et embesongnement * des affaires d'autruy. Sur ce, après vous avoir présenté ma treshumble affection à vostre service , je supplie Dieu vous donner, monsieur , tresheureuse et longue vie.

De Montaigne, ce premier de septembre, mil cinq cens soixante et dix.

Vostre obéissant serviteur ,

Michel de Montaigne.

1. Tant pour le bois vert que pour le bois sec, c'està-dire en tout point, : locution proverbiale , devenue basse.