Coruscationes judicii sui : testes

Proptereà aperti sunt thesauri, et evolaverunt nubes sicut aves.

In magnitudine suà confortavit nubes : et confracti sunt lapides grandinis.

Et in aspectibus ejus commovebuntur montes : in voluntate spirabit Notus.

Vox tonitrui ejus parturire fecit terram : et tempestas Aquilonis, et vortex spiritüs.

Sicut aves deorsüm volantes , dispergit nivem : et sicut locusta divertens descensus ejus.

Pulchritudinem eandoris ejus admirabitur oculus : et super imbrem ejus expavescet cor.

Et pruinam sicut salem effundit super terram : et cüm congelaverit, fit cacumina tribulorum.

Frigidus ventus Aquilo flabit, et gelabit crystallus ab aquà super omnem congregationem aqu: requiescet, et tanquam loricam induet aqua.

Devorabit montes, et exuret desertum, et extinguet viride, sicut ignis.