TRAGEDIE DE SOPHONISBA
SOPHONISBA
^B quoy pnis-je las tenir propoz sinon de ce que jour et nuict tourmente ma pensée? £c quel moyen ay-je de donner à mon tri£te cœur aucun allégement de Tinfinic
yGOO
douleur qui le tient opprimé, si ce n'est en la manifestant? £t si je la doy dire, à qui la puis-jc avec plus de fiance descouvrir qu'à vous, Herminia ?
HERMINIA.
Madame, vous ne vous sauriez adresser à personne qui plus que moy vous porte d'obéissance et d'amour, ny qui plus vivement sente vos ennuiz;'qui par dignité m'estes royne et maistressc, et par affection et bonté m'avez tousjours tenue en lieu de sœur ; de sorte que vous pouvez seurement descharger vostre cueur, et me dire ce qu'il vous plaira.
SOPHONISBA
Je ne fay point de doubte , et vous ay tousjours trouvée fidelle des que vous fustes contante, en nos premiers ans, de venir avec moi en nostre cité de Cirte, plus pour l'amour que vous me portiez que pour considération de parenté ne d'affinité que vous eussiez. Et pour ce, Herminia, je veulz librement et au long parler à vous comme à moymesmes. £t vous souvient bien du temps que Hasdrubal mon père passa en Hespaigne pour faire teste aux Romains qui la travailloient^ et de la prospérité qu'il y eut au commencement, et comme la fortune se tournant bientost après le contraignit de s'en retirer avec sept gallaires seollement et venir trouver Siphaz, roy de Numidie.
DE 8AINCT-GELAY8. 165
HEkMINIA.
Il me souvient, ma Dame, que le jour mesmes qu'il revint, arriva aussi Scipion, chef de l'armée des Romains, lequel Pavoit vaincu et diligenta de pratiquer le roy Siphax, qui tost après entra en ligue avec luy,
SOPHONI8BA.
U est ainsy. Or ceste ligue despleut beaucoup aux nos très ; et pour la rompre et regagner Sîphaz, ils me donnèrent à luy en mariage, sans avoir esgard à l'accord que mon père avoit faict de moy à Masinissa, roy des Massiliens, lequel s'offenca tellement de ce change qu'oncques puis il ne cessa d^estre de Siphaz et de tout le païs mortel ennemy.
HERMINIA.
Et ce fut^ ma dame, lors que vous vîntes et je vous accompagnay en ce royaulme et en ceste vostrc ville de Cirte.
SOPHONISBA
Mais bientost se tourna la douceur de tant d'honneur et grandeur en très amere vie pour moy. Car peu de jours après Scipion retournant en Afrique, et trouvant mon père Hasdrubal et mon mary en armes, les rompit. Là fut commaucement de nos travaux pour lesquels accroistre la fortune voulut que l'armée, qu'ils avoient assez promptcmenc remis sus, fust de nouveau defaicte. Qui a
l66 (EUVRES DE MBLIN
esté cause que Masînissa, avec Paide des Romains, ait recouvert son royaume que nous tenions ; de quoy le roy mon mary grandement indigné, rassemblant ses forces^ est allé essaier de le reconquérir, et ay esté advertie par le courrier qui est venu ceste nuict que aujourd'huy se doibt donner une bataille, dont je suis en passion qui ne se peult dire, craignant une ruyne telle que nous ne puissions plus lever la teste. Car si les vieulx soldats frais et entiers ne peuvent reoister à l'effort de tels ennemys, que feront les nouveaux desjà las et rompus ? Et ce qui m'espouvante encore plus est un songe que j'ay faict un peu avant le jour. Il me sembla que j'estois en une fores t obscure entourée de chiens et de paysans qui tehoient le roy prins et le mal-menoient, dont craignant qu'ils ne me feissent de mesme, me toumay devers un berger, luy priant qu'il me dépendit d'eux. Et me sembla qu'il eut pitié de moy et qu'il entreprint de me garder. Mais voyant les chiens comme enragez l'abaier de tous costez et craignant qu'ils ne me déchirassent entre ses bras, il me monstra une caverne et me dit que puisqu'il ne me pouvoit sauver, je me sauvasse moy-mesme là-dedans, et que l'on ne m'y «cauroit mal faire. J'y cntray et lors disparut le songe, qui m'a laissée toute pensive et confuse.
HERMINIA.
L'occasion de vostre soucy certainement n'est
DE 8AINCT-0BLAYS« 167
pas petite ; mais il me semble que vous imaginez une trop grande ruine. La fortune est inconstante et ne peut si longuement durer favorable à un party. Donc, ma Dame^ espérez mieux/et laissez ceste aprehension qui vous afBige avant le temps.
SOPHONISBA
O que VOUS estes heureuse, Herminia, heureuse en ceste tranquillité d'estat sans aulcune grandeur ! Combien a moins de félicita la condition de ceulz à qui il n'est permis de faire sinon ce qui est convenable à leur suprême degré !
HERMINIA.
Si consiste toutesfoîs la gloine et réputation que le monde estime le plus en la haulteur de ceste fortune.
SOPHONISBA
Oy bien, mais elle est incertaine et doubteuse et tousjours accompaignée d'ennuis, importunités, souspeçons, trahisons, guerres et peines qui ne se peuvent estimer,
HERMINIA,
Oh ! ceste vie présente ne peult passer sans quelque incommodité et en a l*un plus et l'autre moins^ selon qu'il plais ta Dieu distribuer les biens et les maux; mais si vous devez vous ramentevoîr que c'est œuvre de magnanimité et de courage d'entreprendre les grandes choses et en espérer
l68 ŒUVRES DE MBLIN
bien, et puis supporter vertueusement ce qui en peult advenir.
SOPHONISBA
Je cognoia assez qu*il se debvrôit ainsy faire comme vous dites ; mais la force de ma douleur lie mes sens de telle sorte qu ils ne peuvent obeyr à raison. Tellement que si le ciel pitoiable ne prend mon affaire en protection, je me veoy conduicte au but oultre lequel les corps n'ont plus de vie.
HERMINIA.
Retournons doncques^ ma Dame^ du tout nos esprits vers Celuy qui le tout gouverne, et le supplyons de nous conserver et faire tourner sur nos ennemys le mal présent et la peur de l'avenir.
SOPHONISBA
Ce conseil me plaist bien^ car Dieu seul nous peut donner la paix sur tous biens.
