FEMME PREMIERE DE LA ROYNE
O moy malheureuse ! o mienne vie misérable !
DAMES
Helas! que veult dire ceste lamentation si douloureuse?
DE SAINCT-OBLAY8.
FEMME PREMIERE
Las ! qui seroit le cueur si dur qui se pourroît tenir de lamenter voyant ce que j'ay veu?
DAMES
Quelle chose avez-vous veu? O Dieux! Tant vostrc parler m'estrainct le cueur de nouvelle fraîeur !
FEMME PREMIERE
Vous le verrez vous-mesmes tantost,
DAMES
Dictes-le-nous vistement sans nous tenir plus en suspens.
FEMME PREMIERE
Nous perdons la Royne tout présentement.
DAMES
Nous la perdons, helas ! et où doibt-elle aller?
FEMME PREMIERE
Au lieu dont jamais ne retourne.
DAMES
Comment? jamais ne retourne celuy qui meurt !
FEMME PREMIERE
Aussi mourra-elle.
DAMES
Elle mourra. O gricfvc perte ! o douleur en-
cores plus angoisseuse que je ne pensay oncqucs ! Helas! dictcs-moy, je vous prie, tout au long comme la chose va.
FEMME PREMIERE
Après que le Roy Masinissa est sorty du chastcau, la Royne incontinent a faîct parer tous les autelz de festons, de lierre et de myrte. Et ellemesme aussy s'est parée de ses plus beaux et plus riches habitz blancs. Au quel accoustrexienr il la faisoit si bon voir que je ne pense pas que le soleil ait oncq veu rien de plus beau. Mais sur le poinct qu'elle mettoit à part certains joiaux pour aller présenter à la déesse Juno, à ce que luy pfcust estre favorable à ses nouvelles cspousailles, voicy arriver un escuier de Masinissa portant en sa main une couppe pleine de poyson, lequel s'estonna un peu d'arrivée. Mais apréf s'estre revenu, il dit ces paroUes : m Madame, le Roy mon maistre m*cnvoye devers vous et vous mande par moi que voluntiers il vous eust tenu sa première promesse. Mais puisqu'un aultre plus puissant luy en a esté le moien, à tout le moins vous tient-il sa seconde; c'est que si vous voulez vous ne tumberez point vivante en la puissance des Romains, vous conseillant en cest endroit acte digne du noble sang dont vous estes yssue. » Ces parolles ouyes, la Royne a tendu la main et prins la coupe avec un visaige constant et asseuré, puis a respondu au porteur : ^ Vous direz à vostre maistre que sa nouvelle
DE SAINCT-GBLAY8. 223
cspouse accepte de bon cueur le premier présent qu*jl luy envoyé, qu'aiusy est qu'il ne luy en peult envoier de meilleur. Vray que moins lui greveroit de mourir si elle ne se fus t point remariée en ses funérailles. y> Cela dit, elle a fait un peu de pause, tenant tousjours la couppe en sa main^ puis a recommencé à dire : « L'on ne doibt jamais laisser de faire honneur aux Dieux pour quelque inconvénient qui advienne. » Ainsi a posé la coupe, puis elle a prins le coffret où elle avoit mis les joyaulx dont elle vouloit faire offrande à Juno. Et s'en est allée au temple là où devant Pau tel à genc^ix elle a dévotement prononcé ces paroles : < O Roync du ciel, avant que de mourir, qui sera premier que le soleil se couche aujourd*huy, je vous viens offrir ces oblations premières et dernières , bien différentes de celles que j*esperois n'a gueres vous présenter, vous suppliant que, si jamais Phumble service de ma dévotion vous a esté agréable, et si jamais vostre bonté a eu compassion de ceste pauvre province d'Affrique, il vous plaise ores regarder en pitié ce petit enfant, lequel s'en va demourer privé de père et de mcre avant que d'arriver au deuxiesme an de son aage , et le préserver de l'ignominie de servitude. Non j à en la manière que je m'en garantiray maintenant; ains plus heureusement, de sorte que les ans qui par mort précipitée seront soustraits à ma vie soient adjoustez à la sienne afin qu'à l'advenir il puisse estre resource de son infortuné lignage. £n après vous plaise
224 ŒUVRES DE MBLIN
aussi avoir pitié de ces pauvres miennes femmes que je laisse comme brebiettes au milieu des loups affamez. Prenez en protection, s'il vous plaist, leur honneur et leur vie. » Ces paroUe s dictes, elle s'en est retournée en sa chambre^ là où sans délayer elle a prins et beu constamment tout le poison entièrement sans en rien laisser.
DAMES
O pauvre Dame ! le cueur me disoit bien que ce présent d'une coupe que je vey envoyer, n'apporteroit quî'nous dcust plaire. Mais achevez, je vous prie, de nous compter le demeurant.
FEMME SECONDE
Mais ce qui m'a semblé en ce cas plus esnierveillable, c'est qu'elle a faict et dit toutes choses sans jeter une seule larme d'oeil, ny tirer un seul souspir, et sans changer seulement de voix ny de couleur. Cela fait^ elle a commandé tirer hors de ses coffres un beau et riche drap de soye et un aultre de lin, et se tournant devers nous aultres, nous a dict : « Mes bonnes amyes , je vous prie que, quand je seray passée de cette vie, vous ensevelissiez mon corps dedans ces draps pour le mettre en sépulture. Puis elle s'est assise dessus son Kct, et prenant son petit iils entre ses bras, a tiré adonc un souspir trenchant du plus profond de son estomach, en disant : d: Ha ! pauvre enfant, tu ne scais pas en quelle misère tu demeiiresy qui
DE SAINCT-OBLAYS. 225
est le mieulx que je voie en ton malheur. Dieu te fasse plus heureux que ton pcre et moy n'avons esté. » En disant ces parolles elle le serre estroictement contre son sein et baise si affectueusement, que deux ruisseaux de larmes luy sont tout à un coup sortis des yeux en grande abondance. Quoy voyant, chascune de nous est aussy incontinent fondue en pleurs, si chauldement que nous ne pouvions former une seule parolle, jusques à ce qu'elle mesme s'est tournée par devers nous, et nous a toutes baisées l'une après l'aultre en nous disant : « Mes bonnes amies, voicy le dernier jour que vous me verrez jamais. Adieu vous dis et vous demande pardon, si jamais j'ay oiFencé aucune de vous.» Or, jugez maintenant si en telle amertume de douleur j'ay occasion suffisante de plorer, plaindre, gémir et lamenter.
DAMES
O tromperesse espérance ! O pauvres humains aveuglez! Hélas, comme toutes choses ressortîsserit au rebours de vostre pensée ! Mais pourquoy estes vous yssue d'avec la Royne ?
FEMME SECONDE
Pource qu'elle s'est retirée en son cabinet où elle veult faire à part un sacrifice aux Dieux pour les prier de donner facile passaige à sa mort . Et cependant m'envoie vous quérir afin de vous voir et vous dire aussi le dernier adieu, avant que d'expirer.
T. III. i5
226 ŒUVRI8 DE MELIN
DAMES
Helas ! allons devers elle. Mais dîctcs-nous, que faisoit durant ces pîtculx adieux Henninia, qui l'ayme si chèrement.
FEMME PREMIERE
La pauvrette n'a rien sceu de ceste douloreuse nouvelle, si non que bien tard, estant ailleurs empeschée à préparer les bagues de la Royne pour la solennité des nopces infortunées; mais soudain qu'elle en a senty le vent, elle est accourue, criant comme femme hors du sens^ en s'arrachant les cheveulx, destordant les mains et se déchirant le visaige, plorant et lamentant si désespérément qu'elle eust faict fendre les rochers de pitié,
DAMES
Helas ! quand sera ceste malheureuse maison en repos, qui tous les jours se va plus avant abismant de malheur en malheur, et si n'en peult encores arriver au fond. Quelle espérance luy est plus demeurée entre tant de maulx. Helas ! c^est bien maintenant qu'il nous fault laisser tous habits de joye, pour faire ce peu que nous pouvons d'honneur aux vertus de la plus accomplie et plas excellente princesse qui fut oncq.
-S FEMME PREMIERE
Héy Dieu ! ce sont bien aspres et cuisantes pointures de la fortune indignée que cellcs-cy, mes
DE SAINCT-GBLAY8. 227
Dames. Helas! combien de malheurs^ combien d'angoisses et de douleurs sont tombées coup à coup sur ceste pauvre Dame ! Estoiles du ciel ! ô soleil ! ô lune ! ô Dieu éternel ! qui en dispenses à ta volonté, et de qui la puissance peult changer le cours de la fatalle destinée , te plaise retourner tes yeux de pitié vers nostre pauvre maîstresse, à tout le moins ores qu'elle est prochaine de sa mort!
DAMES
Infortuné Hasdrubal , que feras-tu , quand tu entendras la mort de ta chère fille? Helas ! il m'est advis que le piteux cry de tes lamentations m'en sonne desja aux oreilles. O pauvre vieille mère, qui n'aguerc avois de quoy te repu ter l'une des heureuses du monde, comment pourras-tu en ta vieillesse porter une si grande surcharge de douleur ? Rien ne sera le reste de ta vie , au moins si tu peulx survivre, qu'un continuel torrent de pleurs qui sans fin tombera de tes pauvres yeux. Mais voicy la Royne. O quelle destresse me saisit le eucur en la revoyant !
SOPHONISBA
] O claire lumière du soleil ! adieu te dis ! Et toy, doulx pays où j'ay prins ma naissance, encore ayje bien voulu donner ce peu de contentement à mes yeulx de vous veoir avant que de mourir. Et vous. Dames de Cirte , que je laisse en la main d'an seigneur nouveau, lequel (s'il plaist à Dieu)
régira ce pays avec meilleure fortune que nous , je vous supplie d'avoir aucunes fois souvenance de moy et d*honorer ma memoyre à tout le moins de quelque souspir; au demeurant je supplie aux Dieux que ma mort apporte paix à ce pays et à vous toute asseurance et repos.
DAMES
Ma Dame, les grâces et vertus que le ciel a mises en vous ne sortiront jamais de nos pensées, tant qu'il plaira à Dieu nous tenir en ceste vie. Et puisque sa volonté est de nous priver (avec nostre infiny regret) de vostre présence, laquelle nous souloit estre miroir de toute perfection, à tout le moins nous en demeurera à jamais Pimage imprimée au plus profond de nos cueurs. Et fréquentant vostre sépulture^ Tarrousant souvent de nos larmes en tesmoignage que toute nostre esjouissance y sera avec vostre corps ensevelie , tous les ans la revestirons de nouvelles fleurs en vous faisant tout rhonneur que nous scaurîons faire à une terrestre déesse.
^ SOPHONISBA
Vos charitables offres et amiables parolles m'obligent grandement à vous ; mais pource que le peu qui me reste de vie m'oste les moyens de le pouvoir aultrement recognoistre, je prieray seulement aux Dieux qu'il leur plaise regarder et rémunérer vostre si ardente et pitoyable charité. Et vous, Herminiaj ma chère amye, vous aurez
DE SAINCT-GBLAY8. 229
(de cela suis-je tonte asseurée) le soing de nourrir et eslever mon fils, tout ainsy comme s'il estoît vostre. Mais bien vous prié-je que secrètement, et le plus tost que vous pourrez, le transportiez en lieu de plus grande seureté.
HERMINIA.
Comment ? vous pensez donc que je puisse demeurer en ce monde après vous ? Non ! non ! je VOU3 accompaigneray soubz la terre et jamais de vous ne me départira/. Ah ! cruelle ! hé ! me vouldricz-vous esloigner de vous ? ne vous souvient-il plus de nostre si parfaicte amitié ? Avez-vous donc oublié ce que tant souvent vous m*avez redit? Que si bien vous -aviez à estre (par manière de dire) Royne du ciel , cncores vous greveroit-il d'y aller sans moy. Et nuintenant que vous estes preste à passer en une aultre vie^ faictes compte de me laisser icy en continuelle langueur. Ha ! jà à Dieu ne plaise qu'il soit ainsy ! Aussi ne sera- il, non ! Car comment que ce soit, jamais ne vous abandonneray . Plustost me deviez- vous faire appeller alors que Le poison vous a esté présenté et m* en bailler la moitié, à celle fin que toutes deux eussions rendu les espritz en unmesme poinct d'heure. £t en nostre vie nos volontez ont esté si conjoinctes que l'on pourroit véritablement dire que ce n'estoit qu'une. Aussi en mourant ensemble^ on cogneust que ce n'estoit qu'une mesme ame qui tenoit en vie nos deux corps.
230 ŒUVRBS DE MELIN
60PRONISBA.
Hcrminîa, ma chère amye, je vous prie, ne me dictes point ces parolles^ et aulieu d'une destresse n*en donnez deux à mon cueur . Il suffist bien que Tune de nous meure. Si je ne vous ay mandée quand j'ay receu et prins le poison, je vous supplye n'imaginez que ce soit aucune diminution de l'amitié que je vous ay tousjours portée en vous communiquant toutes mes plus secrettes pensées. Car ce qui m*en a gardée ce a esté seulement la doubte que ne me voulissiez destoumer la volonté de mourir, sachant tresbien quelle efHcace vos remonstrances et prières ont en mon endroict. Et celluy qui est nay en hault lieu ne doîbt vouloir si non honorablement vivre ou magnanimement mourir. Parquoy m'aiant maintenant la fortune mise au choix de mourir ou de servir^ pour ne perdre ceste belle occasion de couronner l'honneur de ma vie passée par une glorieuse fin, je vous ay voulu celer ceste seule dernière de toutes mes actions pour vous laisser au lieu de moy survivante en ce monde, vous qui n'estes contrai note par aucune rigueur d'ennemye fortune, de faillir en cest cxtresme besoing à celle qui vous a tousjours aymée comme soy-mesme. Car tant que vous serez en ce monde, mon fils au moins n'aura point faulte de mcre ; ains sera eslevé et nourry par vous de manière qu'à l'aventure pourra- il un jour estre le respît de sa race et ressource de son afBigée maison.
DB SAINCT-GELAYS. 23I
HERMINIA.
Dieu luy doint la grâce de venger un jour nos pertes et publicqucs et privées sur ceux qui nous les ont procurées.
SOPHONISBA
Davantaîge vous estes pour en peu de jours retourner à Carthage, là où vous exposerez à mes parons l'occasion et la manière de ma mort, laquelle récitée par vous portera avec soy tout reconfort , quand vous leur déclarerez comme poiff éviter l'ignominie de servitude et ne faire honte à mon lignaige, j ay volontairement esleu de boire du mortel poison en la Heur de ma jeunesse. Et si ferez compaignie à ma mère, qui vous a de longtemps esleue pour femme de mon frère. Ainsi tiendrez-vous auprès d'elle lieu de fille et d'espousc de son fils. Pourtant, ma chère sœur et amye, je vous requiers et vous conjure, par l'amityé que vous me portez^ que vous ayez patience de demourer encores quelques années en ce monde. Car assez tost aurons-nous moyen d'estre en l'autre éternellement ensemble. Ne me privez de ce reconfort en telle extrémité, à ce que je m'en puisse aller avec l'espoir de vostre survivance. Cela m'adoucira l'aigreur du passage, pource que vous survivante je ne mourray pas toute. Ains dcmourera en ce monde la meilleure partie de moy ,
HERMINIA.
Las ! moy ! je ne scay comment vous d^sdire ny
comment vous obcyr ; car si ce n'est qu'une x>ersonne puisse vivre de douleur, je ne voy pas qu'il soit possible qu'en telle angoysse je vous survive.
ÇOPHONISBA.
Si ferez, quand il vous souviendra que c'est à la conjuration de ma dernière prière, et qu'en ce faisant vous vous acquitterez d'un devoir de pitié et ferez envers moy office d'amityé. Mais avant que l'ennemy mortel que volontairement j'ay receu en mon corps commence à faire ses efforts pour en chasser mon âme et ma vie, il fault pour le mieux que je me retire en ma chambre pour me préparer à mourir.
DAMES
Las ! trop s'abuse qui fonde £n chose de ce bas monde Le but de son espérance.
Au ciel faict sa demeurance I-ia vraye félicité Sans péril d'adversité. Car c'est là où point ne règne Cestc inévitable chayne Des contraires, qui se cèdent L'un à l'autre, et se succèdent Comme le jour à la nuict, Et paix qui la guerre suit.
Le plorer est joinct au rire Et joye douleur attire,
DE SAINCT-GBLAYS. 233
Et bref, ici-bas partout.
Si le bien est à un bout, Le mal, son alternatif, Vient tost après plus hastif.
C'est là, audessus du temps, O^ sont les esprits contans, Qui plus ne peuvent vieillir Ny leur vigueur défaillir.
Car tousjours y dure un estre Sans diminuer ny croistre.
Au contraire n'y a chose Soubs la lune, qui repose £n un estât longuement £t ne soufire changement.
Il n'y a rien qui demeure Longtemps vif et qui novieure A la fin. Or, quand ce soât Mutations qui se font Peu à peu^ sans violence, Nature moins s'en offcnce, Et sont de nous telles pertes Plus facilement souffertes.
Mais, quand d'une haute cime D'honneur on tumbe en Tabisme De toute calamité^ En si griefve extrémité, Il n'est si ferme courage Que n'esbranle un tel orage.
Si est-ce que les grands princes, Roys et seigneurs des provinces
254 ŒUVRBS DE MBLIN
Sont plus subjects à tels sauts Que leurs plus petits vassaux.
Comme la fouldre tousjours Presque donne aux hautes tours, £t des plus grandes montaignes Tousjours es plaines campaignes Tumbent les grosses rivières, Aussi larmes coustumieres £t regrets les plus perceants Sont propres aux plus puissants.
Siphax, le malheureux roy De Numidiè, en faict foy, Qui nagueres I07 donnoit A tant d'hommes qu'il tenoit DessQubz son obéissance, Et avoit en sa puissance Tant de beaux et grands pays Qui sont ores envahys Et luy prisonnier es mains- Des victorieux Romains.
Mais plus d'angoisse me donne Sophonisba nostre bonne Princesse, que tant j'ay vcuc De toutes grâces pourveue.
Dont le ciel embellir peult Ceux que mieux douer il veult ; Que j'ay veue tant aymée.
Tant haultement sublimée £n tout triomphe mondain ; £t ores la voy soudain,
DE SAINCT-GfiLAVS. 2$$
£n la fleur de son bel aage^ Pour s'exempter de servage, Estre contraincte de boire Du poison. Ainsi la gloire £t toute aultre chose passe £n ces te région basse.
Mais que veult Masinissa Qui vient si grand pas en ça.
Viendroit-il point pour cuyder La Royne de mort garder ? ' Trop est loing le secourable, Quand le mal est incurable !
MASINISSA
J*ay grand peur à voir la triste chère et les visages esplorez de ces Dames de Cirte, que je ne sois tard arrivé ; car j*ay résolu en moy-mesme, comment que ce s'oit, voire jusques à mettre ma vie en péril, de n'abandonner point la Royne Sophonisba; ains plustost secrettement la faire enlever, quand la nuict sera venue, et conduire par une trouppe de mes chevaux légers, qui s'iront rendre à ceulx de Carthage. Toutesfois, celuy que j'y avois envoyé m'a raporté qu'elle avoit posé la couppe où estoit le poison et s'en estoit allée visiter quelques temples pour faire ses prières aux Dieux.
DAMES
Ah ! sire, si tost qu'elle a eu achevé ses prières, elle Ta reprinse ; et, avant que personne survint
qui l'en peust destourner, a beu todt ce qui estoit dedans. Puis, comme estant certaine de sa mort, nous a dit le dernier adieu à toutes et s'est retirée en sa chambre avec sa chère Herminia et ses femmes.
MASINISSA
Ha ! Dieu ! y auroit-îl point encores de remède en luy donnant du contrepoison ?
FEMME TROISIESME
Hé ! Dieux ! Helas ! comment n'csclate ce pauvre corps de la douleur qu'il sent ? Que ne s'en vont tous mes esprits espendus en souspirs? Que ne se sont mes yeux tournez en deux fontaines, pour éternellement plorer ceste perte irrecouvrable ?
MASINISSA
Ha ! Dieu ! c'est faict ; je voy bien qu'il n'y a plus d'espérance.
FEMME TROISIESME
O monde obscur et ténébreux I ton soleil est estaint ; tu ne verras plus sa lumière.
MASINISSA
Dictes-moy, Dame, la cause de vostre dueîl,
FEMME TROISIESME
Ha ! sire !
MASINISSA
Qu'y a-il ? Dictes-le-moy.
DE SAINCT-GELAYS. 237
FEMME SECONDE
Nous sommes perdues !
MASINISSA
Comment ?
FEMME SECONDE
La Royne est morte !
MASINISSA
Morte ! Ha ! pauvre Dame ! si tost ? O malheureux que je suis, pourquoy ay-je tant arresté ? Qui a vouloir de faire œuvre bonne ne doibt jamais différer. O faulte irréparable que j*ay commise ! Je vous prie, revenez un peu à vous et m'exposez un peu au long comment elle est passée.
FEMME SECONDE
Helas ! sire, vous rengregez la douleur de ma plaie en me faisant si franchement l'exposer. Toutesfois, pource qu'après Dieu, sire, nous n'avons plus d'espérance qu'en vostre seule bonté, je. m'efforceray, pour vous obeyr, de le vous dire le mieulx que je pourray.
Estant la pauvre Princesse de retour en sa chambre, elle s'est assise dessu» son lict et, nous voyant toutes à l'entour d'elle distiller en larmes, elle s'est prinse à nous dire d'une parole ferme et asseurée : « Le dueil que je vous voy démener à cause que vous perdez ma compaignic, m'apporte
258 ŒUVRES DE MBLIN
certainement grand regret de me départir de la vostre ; car estant signe de la bonne affection que vous me portez, je cuiderois griefvement forfaire contre l'humanité, si je ne vous respondois en amitié. Mais si vous considérez que je suis fille de Hasdrubal, arriere-fiUe d*Amilcar et niepce du grand Hannibal^ tous trois ducs et chefs des armées de Carthage ; que j'ay esté cspousée au puissant mais infortuné Roy des Numidiens ; que j'ay vescu en tout l'honneur et triomphe que sauroît faire la plus heureuse princesse du monde, et maintenant voy le Roy mon mary, par deux fois l'une sur l'autre, rompu en deux grosses batailles ; ses forces renversées, ses pays occupez et luymesme prisonnier vif entre les mains des ennemys, les quels ne désirent rien plus que de m'avoir aussy en leur puissance, vifve, pour me mener esclave à Rome et faire monstre de moy aux yeux du peuple, naturellement enncmy des Roys, et qui a juré la ruyne des miens et de mon pays. Et puis me faire cruellement mourir ou ignominieusement languir en chartre perpétuelle. Je croy que vousmcsmes approuverez la resolution que j'ay prinse; car il ne fault plus estre quand on n'est plus en honneur ce que l'on a esté. Qui sent sa vie nette ne craint point à mourir. C'est chose deue à la nécessité de nature ; car tout ce qui a eu commencement, il est force qu'il prenne fin. Et où la sçauroit-on prendre plus à propos, qu'à l'endroit où rhonnour vient à faillir? »
DE SAINCT-OELATS. 2$Ç
MASINISSA
O gentil cœur de Dame î De tant plus estoîs-tu digne de longue vie que moins tu as redoubté la mort.
FEMME SECONDE
Jusques icy elle a tousjours parlé fermement ; mais quand elle a voulu particulièrement adresser sa parole à Herminia, alors la voix lui a commencé à changer, mesmement quand luy a livré son petit fils entre ses mains, en luy disant : a Chère Herminia, ce qui plus me reconforte au partir de ce monde, c'est que je vous y laisse après moy pour avoir soing de ce petit orphelin, qui perd son père et sa mère en Taage qu'il en a plus de besoing. Je le déporte entre vos mains comme joyau que j*ay plus cher que ma vie, comme gaige de nostre amitié, comme image vive de ma personne, laquelle ayant tousjours auprès de vous, ne vous pourrez plaindre que je vous aye abandonnée. » Ces parplles estoient coup à coup interrompues de gros sanglots et de larmes tumbantes avec telle impétuosité qu'elles sembloient un torrent qui rompt à force tout ce qu'on luy met au devant. Jà lui commencoient les membres fort à trembler, et pour ce l'avons-nous couchée sur un lict, là où tendant ses deux bras à Herminia, qui estoit plus morte que vive, luy a dict : a Ma chcre amye, que je vous embrasse pour la dernière fois! vous m'es tes icy aulieu de mère, de frère et de toute
240 CeUVRES DE MELIN
ma parenté. Si vous prie' de faire envers moy ce dernier office de pitié, quand je seray tantost passée, de me clore les yeux. Adieu vous dy, car je n'en puis plus. » Sur ce point, elle a commencé à perdre la parole et est entrée en l'agonie des traitz de la mort, où elle n'a jamais monstre signe quelconque d'entendement aliéné de soy ; aîns, contre la des tresse de la douleur, la vigueur de son couraige a esté si grande, qu'elle a tousjours surmonté, sans faire aultre démonstration d'impatience que de souspirer, jusques à ce que finablement l'esprit est sorty du corps, emportant quant et soy, toute nostre espérance. £t estraignant tout ce qu'il y avoit de parfaicte beauté, douceur, courtoisie et bonté en ce monde.
MA^SINISSA.
Or t'en va doncques, noble et gentille ame au repos des bienheureux espritz, qui ont tousjours eu Fhonneur plus cher que la vie. Que maudit soit celuy qui premièrement me garda de Tespouscr. Et maintenant a esté cause de ta mort si précipitée. Si la fortune m'a osté les moyens de te saulver la vie, jà ne m'ostera-elle la volonté ny la puissance de faire à ton corps l'honneur de sépulture royal, et de tout ce qu'on peult faire pour consacrer la mémoire d'une si vertueuse princesse.
DAMES
Ce qui de nous tous doit estre Est escript au grand volume
DE SAINCT-GELAYS, 24I
Des cieulX; avant nostre naistre Qui de là premier s'allume.
Trop de soy-mesme présume Qui cuyde s'en exempter.
Soit doulceur ou amertume, Force est de s'en contenter.
