SECOND GENTILHOMME

Je vay devant pour avertir la Royne que vous estes arrivées

DAMES

Rien ne nous est encores asseuré ; mais nous sommes tant aggravées de mal que tout signe moins que bon nous faict tousjours imaginer le pis qui nous scauroit advenir. Ce que le Roy se tient ainsi renfermé dedans sa tente sans sortir dehors et que nous Pavons entendu gémir et souspirer si fort, faict que nous perdons toute espérance de bien. O pauvre Royne désolée ! Pendant que tu t'ap]::estos pour cuyder faire honneur à ton nouvel espoax, tu recevras en échange quelque nouvelle douleur. O combien te sera dure l'ambassade de celuy qui te viendra dire qu'il fault que tu t'en ailles prisonnière au camp des ennemys, pour désormais vivre tousjours esclave des Romains. Helas ! à y penser seulement le cueur me fend de destresse qu'il faille qu'une beauté si excellente tumbc en servage de si cruelles mains. O seigneur Dieu ! je te supplie, fais que ce soit une crainte vainc, Helas ! voicy l'une des femmes de la Royne qui sort du chasteau toute éplorée et se tourmente merveilleusement.