LIVRE 1, CHAP. XIV

coups d’espée en la chaleur du combat. Les douleurs de lenfantement par les medecins et par Dieu mesme estimées grandes", et que nous passons avec tant de ceremonies, il y a des nations entieres qui n’en font nul conte. Je laisse à part les femmes Lacedemonienes; mais aux Souisses, parmy nos gens de pied, quel changement y trouvez-vous? Sinon que trottant apres leurs maris, vous leur voyez aujourd’huy porter au col l’enfant, qu’elles avoyent hier au ventre. Et ces Egyptiennes contre-faictes, ramassées d’entre nous, vont, elles mesmes, laver [les] leurs, qui viennent de naistre, et prennent leur baing en la prochaine riviere. [Outre tant de garses qui desrobent tous les jours leurs enfans tant en la generation qu’en la conception, cette honeste feme de Sabinus”, patritien Romein, pour l’interest d'autrui supporta le travail de l’enfantement de deus jumeaus, sule, sans assistance, et sans voix et gemissement.| Un simple garçonnet de Lacedemone, ayant desrobé un renard | (car ils creignoint encore plus la honte de leur sottise au larrecin que nous ne crei-

Ligne 13) a, a’, b : laver leurs enfants qui — 14) 1599 : enfans en la génération comme en la — 23) a, a’, b: renard (car le larrecin y estoit action de vertu, maîs par tel si, qu'il estoit plus vilain qu'entrenous d’yestre surpris)et l'ayant