M. DE LIGNY

Monsieur de Ligny , aussy de la maison de Luxembourg 1 , parent et fort favory du roy , le gouverna fort en ce voyage, où il espousa la princesse d'Altemore 2 , une fort belle et très riche vefve , que le roy Charles luy avoit faict espouser. Elle y avoit de fort belles places, qu'estoient Venouze, Canouze, Monnervine et autres. 11 meritoit bien une telle rescompense de son roy , car il le servit très bien et fidèlement en tout ce voyage : aussy le roy l'aymoit fort, et il regretta fort aussy le roy , n'ayant pas trouvé le roy Louis XII , qui vint après , un si bon maislre; car, le roy envoyant une armée au royaume de Naples, soubs la charge de M. d'Aubigny , M. de Ligny en demanda la charge et en pria le roy qui luy refusa tout à trac : en quoy luy fut faict grand tort , car , a cause des alliances et maisons de sa femme, il estoil raison qu'il y allast ; aussy que pour ce subject il y pouvoit avoir de grandes intelligences, mais sur tout qu'il estoit bon capitaine, brave, vaillant, jeune et très beau ; dont il en

« (.oui* de Luxembourg.

• Eléouore de Baux.

LOUYS XII, RC

cowent par tel refus un si grand despit , qu'il en mourut de regret , comme madame son honncsie et très belle femme mourut aussy de regret quand il la laissa pour s'en retourner en France : cela se dict , et l'ay veu escrit.

Ainsy se servent les roys comme il leur plaist , laissans les uns et prenant les autres, selon leurs fantaisies et non des autres.

M. DES QUERDES.

Ije roy avoit mené avec luy M. des Querdes , qui estoit un très grand et ancien capitaine, et esloit le principal conseil du roy ; mais il mourut à Lion, au moins à La Bresle : lequel le roy regretta si trestant, que, renvoyant son corps pour estre enterré à Nostre-Dame de Bouloigne, où il avoit demandé, le roy commanda que, par toutes les villes et places où il passerait, qu'on luy fist pareil honneur qu'à luy.