M DELA TRI MOUILLE

M. de la Trimouille a esté en son temps un très bon et un très sage capitaine; et pour ce il eut cest honneur et bonheur d'avoir porté le tiltre de Chevallier sans peur et sans reproche. Beau tiltre certes, qui le peut garder et entretenir jusqu'à la mort! Mais ce maudict honneur est tant subject à se casser, qu'il n'y a verre qui le soit d'advantage; de sorte qu'après le trespas il est disputable, et surtout celuy des gens de guerre : je m'en rapporte à eux pour voir ce qu'ils en diront. Ah! combien s'en est il veu , et de nos pères et de nos temps , que l'on a tenus le» plus braves et les plus vaillans du monde, et portans le tiltre de gens sans peur et sans reproche, qui les ont bien effacés par grandes fautes et poltronneries, et avoir eu telle appréhension quelquefois du danger, qu'ils s'en sont fuis vilainement pour en eschapper!

Je ne veux point parler des morts ; car ('offense seroit trop grande de les perturber en leur repos par une mesdisance. Mais cognois-je aujourd'huy plusieurs grands capitaines qui font bien des braves et vaillans qu'on tenoit

des Cssars, fair aussy viste les dangers et moucher comme le moindre pionnier des armées. Il me soubvient qu'au siège de Rouan, aux premières guerres, un capitaine qu'on lient pour très grand aujourd'hui et qui a grand grade (mais dès lors il n'estoit que simple gentilhomme servant de guerre), un jour que la trefve avoit esté faicte pour capituler, s'esmeut quelque différent entre le baron de Neubourg, qui estoil haut à la main et injuriant ; il se mit a injurier un gentilhomme, sien voisin, qui estoit leans, et luy donna undesmenty, qui ne le voulant endurer, se mit aussytost à crier : Tire l tire! pensant le tuer ; car il estoit sur la contrescarpe du fossé , non pas seulement luy, mais plus de six mille, ou sur le haut de la tranchée. Soudain voylà une salve d'arquebuserie si menue , que ce fut à qui se sauveroit ou dans la tranchée ou à l'escart , comme on pouvoil ; mais on vit ce grand , monté sur une petite hacquenée blanche, qui n'eut pas l'asseurance de se jetter dans la tranchée comme nous autres, mais se mit i la fuite à si grand erre devant tout le monde et avecques si grand peur, qu'il sauta un canon, caseslrange! et fuit jusques à un quart de lieue de là. Aujourd'huy il est estimé le plus vaillant homme du monde. Un brave capitaine des nostres, Provençal, qui s'appeloit Gabazzole , y fut tué avecques d'autres ainsy à ('improviste, dont fut un grand dommage ; et M. de Guyse se fascha fort audicl baron d'avoir esté cause de tout ce desordre.

A la battaille de Dreux , fuyrent aussy avecques plusieurs autres deux très grands capitaines qu'on tenoil des Caïsars et très vaillans , entre autres un qu'on tenoil sans peur », et gaignerent le haut fort vilainement.

A la grande escarmouche qui fut faicte le jour de la my-caresmeà La Rochelle (qui fut des belles qu'on eust sceu voir, M. de La Noue la conduisit, et certes très bien, avecques ses capitaines et douze cens soldats sortis, sans ceux de la muraille, qui en estoit toute bordée et en feu), nous y perdismes là force capitaines et soldats, où ce brave M. de Grillon, qui n'y estoit que pour son plaisir, fit très bien et fut blessé. Mais je vis un très grand , qui se

1 Le capitaine d'Aussun , dont la bardie«*e rtuerr» de Piémont étoil devenue un proverbe.

disoit estre le vaillant du monde , ainay qu'il estoit au conseil avecques M. de Strozxe de ce qu'on devrait faire la nuict suivante , et que M. dcGossains, qui estoit de garde ce jour, et qu'il manda à son couronnel de le venir secourir, car il avoit toutes les forces de La Rochelle sur les bras , soudain M. de Strozze y accourut , et moy avec luy; et ce galland que je dis, faisant de l'eschauffé , m'ayant demandé un espieu que je luy fis donner, il fit cinq ou six pas avecques nous; il ne vit pas plustost le capitaine Johannes blessé à la teste (qui despuis fut capitaine de la garde de M. de Guyse), qu'il s'en va viste à la font , et faisant de l'eschauffé et bonne mine d'envoyer des soldats au secours. Au bout d'un peu, M. de Strozze et moyadvisasmes derrière , et n'y vismes point nostre homme ny nostre brave. Alors me dict M. de Strozze: «Branthome, nostre homme craiut les coups; «il les eschappe bien : il n'est pas si hardy a comme il faict et qu'il nous disoit tantost en « la chambre du conseil, et qu'il vouloit prendre a La Rochelle dans un mois par assaut, et qu'il « yroit le premier. A ton advis , s'il y ira , et s'il a nous en monstrera lechemin, puisqu'il ne nous a suit poinct ?» Encor aujourd'huy faict il bonne mine nonobstant cela , et une infinité d'autres poltronneries qu'il a faictes , disant que c'est luy qui sçait faire la guerre , et nul autre.

Je pense que j'en nommerais une m il liasse de pareils. Ah ! que tous ceux qui se disent braves , vaillans et hardis , qui ne le sont pas ! Mais si l'on me disoit qu'ils fussent bons hypocrites de guerre, et gauchans 1 aux coups , ouy bien cela. Et telles gens les ay-je veus comparer à plusieurs catholiques qui font bonne mine et semblant de l'csire par leurs gestes extérieurs ; mais au dedans ils ne le sont point , ains hayssent nostre religion autant que ces braves hayssent et fuyent les coups.

Voylà donc pourquoy j'estime ces bons chevalliers qui sont sans peur et sans reproche , très heureux et dignes de grande gloire , s'ils peuvent franchir la carrière sans y bruncher ; mais ils sont rares. Si en a-t-il eu pourtant d'autrefois, et y en a encor; et plusieurs eu ayje veu si vaillans, que je crois qu'ils n'ont jamais sceu ce que c'est de la peur, et de grands, et de moyens et de petits , de toutes sortes.

* Gauchissant.