M. DE CONTY

M. de Conty 1 aussy a esté de ce vieux temps un très bon et vaillant capitaine; il falloit bien qu'il le fust , car il estoit capitaine en chef de cent hommes d'armes. Telles compagnies de ce temps ne se donnoient pas ny par ftiveur ny par le grand rang des maisons qu'ils avoient , ainsy que cestuyey estoit sorty d'une fort grande et ancienne maison , et où il y a eu autrefois de fort bons et vaillants chefs de guerre : les histoires en font foy. Cestuy-cy se fit fort signaller en toutes les guerres qui estoieot pour lors.

Il mourut auprès de Milan , en une charge qu'il fit contre les Suysses , qui descendirent après la mort de M. le grand-maistre deChaumont : lesquels y ayant mis le siège , furent contraincts de l'en lever par faute de vivres, et se mirer avecques quelque petite composition que leur fit M. de Nemours : mais entre eux , en se retirant , M. de Conty les rencontra et les chargea si bien . qu'il y fut tué ; qui Fut très grand dommage , et fut fort regretté , car il estoit un des principaui capitaines de par de là. Sa compaignie y fut quasi aussy toute defFaicte, qui fut une grosse perte pour le roy , car elle estoit belle , et lui , outre la paye du roy , qui estoit grand seigneur et riche, l'appoinctoît fort bien de plus , et l'embellissoil le plus qu'il pou voit.

Ce brave M. de Bayard , le lendemain de ceste mort et defFaicte , eut bientost raison et la revanche ; car , aussitost en ayant secu nouvelles, monta à cheval et alla après, et rencontra cinq cens de ces Suysses , qu'il mit tous au trenchant de l'espée , sans en garder un seul , et en la mesme place où M. de Conty avoit esté deffaict et tué ; qui leur servit autant d autel pour faire sacrifice de ces gens aux mânes de M. de Conty et a ceux de ses gendarmes la tués ; ce qui fut an grand heur pour M. de Bayard.

» Ferry de Mailly.