DOM RAYMOND DE CARDON A. VICE-ROY DE NAPLES

En ceste battaille, dom Raymond de Gardona fut plus malheureux qu'il ne pensoit ; car les Italiens, François et Espaignols, le blasmenl d'y avoir faict une assez honteuse relraicle; voire usent-ils aucuns de ce mot , fuite , pour le rang de gênerai qu'il tenoit , et pour avoir tant bravé et piaffé au partir de son gouvernement , dont il lira et traisna après luy toute la fleur des cavalliers napolitains et espaignols, si braves , si bien en poinct . si bien montés et si dorés, que j'en ay veu un petit traicté en espaignol , qui s'intitule Questiones de amor, où il descrit leurs superbes parures et devises d eux , et garnitures de leurs chevaux , jusques aux livrées de leurs pages, estafiers et lacquais, qu'il n'y avoit rien à voir si beau ny si superbe, tant tout esloit or, azur et argent ; de sorte que par là ils pensoienl en espouvanter toute la France ; ce qui fut autrement : et mesmes dom Raymond se mit fort légèrement à la retraicle,

qui fut plus vistc que le pas , et emporta sur le front plus de honte que n'avoient de livrées ses cavaliers , pages , estafiers et lacquais. Et , sans ce malheur, les Espaignols l'avoient tenu pour brave et vaillant capitaine , comme il l'avoit mieux que là faict parestre ailleurs , mesmes en Calabre, en une victoire qu'il obtint sur nous. Et puis,quelquetempsapres,futtuédevant Gayelte d'une canonade.