DES COURONNELS ITALIENS AU SERVICE DE FRANCE

banny pour estre bon François ; lequel a porté titre de coaronnel de l'infanterie italienne, estant an service et à la solde du roy de France , et a très-bien et dignement exercé cest estât aux guerres de Toscane et de Corsegue. Sa façon belle , et haute taille, avecques sa noble race , monstroient bien qu'il avoit quelque chose de généreux en soy-mesme. Aux premières guerres, au siège de Rouan, avecques sa vieillesse s'y trouva . et feu M. de Guyse en faisoit grand cas et leconsultoit. Il a gardé tousjours ce nom et titre de courounel jusqu'à sa mort.

LE COMTE GAYAZZB.

Son estât fut donné au comte Gayazze, qui en portoit aussy le titre ; mais c'estoit tout aussy, car d'exercice point , d'autant qu'il n'avoit point de bandes italiennes pour l'exercer; et s'il en eust eu , il s'en fust aussy bravement et vaillamment acquitté comme les autres couronnels , ainsy que par-tout il a monstré sa vertu et sa valeur où il s'est trouvé, et surtout aux guerres de Sienne et Toscane. M. de Montluc ne l'oublie pas dans son livre ; ce que j'ay veu, qu'il en disoit force bien quand nous estions au siège de La Rochelle, ou il faisoit estât de mareschal de camp avecques M. de Puy-Gaillard ; et bien souvent M. de Montluc et luy parloient de ceste guerre de Sienne, et les faisoit-on beau ouyr en parler, et se remémorer des exploicts qui se firent là. Il estoit fort entendu et sage capitaine ; et paroissoit bien qu'il avoit bien veu et retenu , et si avecques cela ne s'espargnoit point aux coups, encor qu'il fust estropiât1 d'un bras, pour une ha rquebusade qu'il avoit en partage de ses guerres de Sienne.