LE COURONNE!, JACOB

Du temps du roy Louis XII , il y avoit h son service le capitaine Jacob , qui commandoit à une trouppe de lansquenets qui le servirent bien et vaillamment, et mesmesen la battaille de Ravenne, où ledict couronnel, ou, pour mieux parler de ce temps, ledict capitaine Jacob, en combat tant très-vaillamment et très Mdellement pour son roy, qui luy bailloit solde (et n'en fut point ingrat nullement ny infidel , ains très-fidel et homme de bien), mourut vaillamment ; car, quelques jours advaut ladicle battaille, l'empereur Maximilian, qui branloit dans le manche pour quitter l'alliance et l'union françoise, luy avoit mandé qu'il ne faillist à s'en tourner avecques toutes ses trouppes. Ce bon homme vint à monstrer la lettre à M. de Nemours en cachette, et pour ce qu'il s'advançasl de donner la battaille , car si ses compaignons en sentaient le vent, ils s'en iroient et le laisseraient là, et seroit autant affoibly: ce qui fut en partie cause de la livrance de la battaille, et aussy du gaing, car ils y firent très-bien. Les lansquenets aussy de l'empereur firent bien à la battaille de Cerisolles, aussy estoient-ils choisis.