DOM PEDRO DE TOLEDO

Puisque j'ay nommé cy devant dom Pedro de Toledo, il en faut un peu parler et le louer; car ç'a esté un très grand homme d'estat, d'affaires , de conduietc , très sage et très advisé : aussi l'empereur Charles le laissa en Espaigne , lors qu'il s'alla faire couronner à Bouloigne pour gouverneur , où il s'y comporta certes plus modestement , dict-on , que M. de Chicvrcs; car, durant sa charge , il n'y arriva nulle révolte ny sédition , bien qu'on le tinst pour brouillon , remuant , et si fort attentif au bien de son maistre , qu'il fermoit les yeux à tout f pour veu qu'il le peust servir et agrandir jusques à n'espargner ses gendres le prince de Salerneet ce grand Cosme; l'ay-je ainsy ouy dire a Naples et à Florence.

Il voulut ériger une inquisition à Naples , qui cuyda estre cause de grandes révoltes, de sorte que j'ay ouy dire à Naples et à Rome que si pour lors il y eust eu un ambassadeur d'espée capitaine au lieu de M. de Morvillier, on eust esbranlé le royaume , de mesmes que fut Testât de Sienne, M. le mareschal de Termes estant pour lors à Rome et en Italie. J'en parle ailleurs. Car ce joug d'inquisition estoit insuport.iple, tant pour cslrc nouveau que pour estre

fascheux bien fort. Il fut aussi cause de la sédition et révolte de Sienne : car il vouloit tout avoir pour son maistre , voire Florence s'il eust peu. Et s'il n'eus! fait faire la citadelle dedans Sienne,

: les Siennoisse fussent mieux comportés et n'eussent eslevé les armes. Aussi travailla-il fort pour la remettre à son obeyssance; mais sur ces entremises il y mourut. Je ne diray point

' comment , car on en parle fort diversement. Il demeura visce-roy dans Naples plus de

: douze à treize ans , la gouvernant très sagement, et la décorant de ceste belle estrade de Tolède et des beaux bastimens que l'on y void pour aujourd'huy. Ce n'est pas tout de bien gouverner en temps et lieu paisible; mais il la préserva fort bien contre les dangers et guerres, ainsy qu'il fit fort bien lors que Barberousse retourna de Provence. Il fit semblant d'en vouloir ravager les costes du royaume; mesmes qu'il avoit desjà assiégé Pussol , qu'il eust pris facilement, y ayant faict descendre et poser son artillerie par Salec , brave et vaillant corsaire, qui avoit bravement commandé dans La Gollelte ; mais par la valeur et la bonne conduicte dudict dom Pedro, qui y estoit en personne avec de belles forces , et mesmes de cheval , il en deslogea bien viste, non sans avoir porté dommage aux costes et à quelques petites islettes qu'on avoit laissé comme abandonnées, et sur tout la pauvre isle de Lipary , dont il emmena plus de sept mille ames prisonicres; et les vestiges en paroissent encor, car c'est une très pauvre isle et misérable habitation. Tant y a qu'à ce dom Pedro bien luy servit d ésire là prudent et valeureux; car le royaume en eust bien paty.

Ceste race de Toledo a de long temps esté tousjours très brave. Us furent trois frères: dom Garcie, qui fut lieutenant du roy Ferdinand, et fut tué à Gerbes: le second fut dom Jouan de Toledo, cardinal et archevesque de Sainct Jacques; le tiers fut dom Pedro de Toledo dont nous parlons.

Ceux de ceste maison et ceux de Mendozzc ont esté long temps en querelles et guerres, tous très braves et vaillans, qui ne se dévoient rien les uns les autres, et ont bien faict mourir des hommes pour leurs partialités. J'ay veu la place d'Alvc, d'où ils sont sortis ; c'est un chastcau ancicu et assis sur un hault, qui ne paroist