LE CARDINAL

fort subtil, bon jugement et bonne retenlive. II estoit de très-bonne grâce et belle façon, et d*un très-bel entregent, parlant très bien et très-eloquamment de toutes choses, aussy bien des mondaines que des divines, très-bien entendant les affaires de la France, voire d'autres pays estrangers. Aussy, comme m'a dict autrefois M. de Guyse, son nrpveu, c'estoit une des grandes despences qu'il faisoit qu'à sçavoir des nouvelles de toutes les parts de la chreslienté, voire d'ailleurs, et y avoit des gens ses pensionnaires et gagés qui Ten avertissoient de toutes parts. Il entendoit aussy très-bien les finances , et les sçavoil toutes sur le doigt et où il en falloit prendre, et excogitcr des moyens pour les affaires de son roy et pour soy aùssy, ainsy qu'il le fit bien paroistre en la nécessité qui vint à sou roy après la batiaille de Sainci- Quentin.

On le tenoit pour fort brouillon et remuant, Irès-ambitieuy. Que s'il fust esté aussy vaillant que M. son frère (comme il le disoit bien qu'il estoit poltron de nature), il eust remué de grandes affaires et grandes choses. Il estoit fort religieux, et pour ce fort hay des huguenots; mais pourtant le tenoit-on pour fort caché et hipocrite en sa religion, de laquelle il s'aydoit pour sa grandeur; car je Tay veu souvent discourir de la confession d'Ausbourg et l'approuver à demy, voire la prescher, plus pour plaire à aucuns messieurs les Âllemans que pour autre chose, ainsy qu^on disoit : comme je le vis une fois à Reims, pour une sepmaine saincte, et devant madame sa mère, publicquement, où il le faisoit beau ouyr; car, encor qu'il fust bien sçavant, il n'esloit si proffond en science comme remply d'éloquence.

Après le concilie de Trente il vint à Fontainebleau; et pour le premier dimanche de caresme prescha devant le roy , la reyne et toute la cour , là où M. le prince de Gondé estoit grandement accompaigné de gentilshommes et autres de la religion. Gerlainement il le fit beau ouyr, car jamais on ne vit mieux dire; et fut fort admiré et des huguenots et de tous qui ne peurent trouver à Htc sur luy , si-non quand ce vint sur la lentaiiui: liii diable q'uil fit à Nostre-Sei{;neur Jésus -Ghiist, comme je le dis ailleurs ^ A ce concilie de Trente,

* Discourt SUT les sermeus et jnremens espaignols.