DOM HUGUES DE MONCADE
Après la mort dudict Charles succéda dom Hugues de Moncada en la charge de visce-roy de Naples, lequel les Espaignols disoient estre seul des grands d'Espaigne qui esloit amy de dom Carlos de Lanoy ; et pour ce le roy François le fit sortir de prison , que André Dorie Tavoit pris quelque temps avant en la coste de Gennes ; et sans qu'il payast rançon , en ayant respondu à André , l'envoya en Espaignc, pensant que pour telle obligation il induiroit lempereur à luy faire bon iraictement et bonne gucrre;mais l'empereur luy fit la sourde oreille. Ainsy fut trompé le roy en toutes façons de sa prison. Mais quoy ! Il se vouloit aider de toutes les pièces qu'il pouvoit pour subvenir à son adversité, ainsy que font tous les grands en cas pareil ; ressemblans les malades auxquels semble que tout ce qu'ils désirent et se proposent en la fantaisie soit l>on et souverain pour les guérir.
Cet Hugues de Moncada donc, estant visceroy de Naples, se monstra fort brave et vaillant au siège faict par M. de Lautrec, et surtout 'au combat de mer qui se fit entre luy et Philippin Dorie, qui fut si beau, si furieux, et si vaillamment combattu , que de huict cens soldats qu'il avott embarqués dans ses galleres, il n'en resta que cent en vie , encor la pluspart blessés. Il se trouva tel capitaine espaignol (comme il se dict encor à Naples) qui se vit changer sept fois d'alfier ou porte-enseigne, et mourir d'un à un tenant tousjours l'enseigne en la main. Le combat commença à deux heures après midy, et dura une heure de nuict , combattant sans cesse. Enfin dom Hugues y mourut, blessé d'une grande barquebusade dans le bras , et d'un coup de fauconneau dans le muscle , après avoir combattu avec une rondelle en la main, et l'espée en l'autre, tout ce que sçauroit faire le plus vaillant homme du monde. En quoy plusieurs ont dict qu'il avoit eu tort d'outre-passer en cela le devoir de sa grandeur
VIES DES GRANDS CAPITAINES
et sa charge de viace-roy, poar y estre allé en personne, car il la pouvoit bien donner à un autre moindre que luy. Mais il le faut louer extrêmement en cela et son généreux courage: car, usant du droict de sa dignité , il y pouvoit envoyer, ou le marquis del Gouast, qui commandoit à Tinfanterie, ou le vaillant prince d'Orange , qui n'eust pas mieux voulu , ou le seigneur Alarcon , ou autre, et demeurer sur le mole et d'enhors à son aise, sans danger, et loing des coups en voir Tesbattement. Il y en a plusieurs qui Peussent bien faict ^ Voyià la louange qu'on doit donner à ce dom Hugues de Moncada.
Il se lit et se dict encor que le pape Clément fut fort joyeux de sa mort , parce que ce fut luy qui prit le Vatican et pilla la sacristie de la saincte église. 11 en vouloit avoir comme les autres et se prendre sur le meilleur.
En ceste dernière grande armée espaignolle dressée contre TAngleterre , il y eut un de ses petits-fils qui eommandoit à ceste grande galleasse tant célébrée et renommée en ceste armée lé, qu'on pouvoit direplustost une montagne de bois qu'un vaisseau de mer. Il y mourut aussy vaillamment, comme avoit Faict son ayeul à ce combat de Naples. Ce fut un tr^s grand dommage, car il estoit gentil et et brave cavallier. Voyez, s'il vous plaist, comme quelquefois les enfants, par quelque fatalité, ressemblent leurs pères, aussy bien en genres de morts comme en d'autres semblances de corps, d'esprit et de naturel!
